________________ 596 अनंगपविट्ठसुत्ताणि सयं तेरस य अंगुलाई अद्धंगुलं च किंचिविसेसाहिए परिक्खेवेणं पण्णत्ते / देवे णं महिड्डिए जाव महासोक्खे एगं महं सविलेवणं गंधसमुनगयं गहाय ते अवदालेइ, तं . महं एगं सविलेवणं गंधसमुग्गयं अवदालइत्ता इणामेव कटु केवलकप्पं जंबुद्दीवं दीवं तिहिं अच्छराणिवाएहिं तिसत्तखुत्तो अणुपरियट्टित्ताणं हव्वमागच्छेजा, से गूणं गोयमा ! से केवलकप्पे जंबुद्दीवे दीवे तेहिं घाणपोग्गलेहिं फुडे ! हंता ! फुडे, छ उमत्थे णं गोयमा ! मणूसे तेसिं घाणपुग्गलाणं किंचि वण्णेणं वणं गंधेणं गंधं रसेणं रसं फासेणं फासं जाणइ पासइ ! भगवं ! णो इणढे समढे, से एएणटेणं गोयमा ! एवं वुच्चइ-'छउमत्थे णं मणूसे तेसिं णिजरापोग्गलाणं णो किचि वण्णेणं वण्णं गंधेणं गंधं रसेणं रसं फासेणं फासं जाणइ पासइ, एसुहमाणं ते पोग्गला पण्णत्ता समणाउसो ! सव्वलोगं पि य णं फुसित्ताणं चिटुंति' // 709 // कम्हा णं भंते ! केवली समुग्घायं गच्छह ? गोयमा ! केवलिस्स चत्तारि कम्मंसा अवखीणा अवेइया अणिजिण्णा भवंति, तंजहा-वेयणिजे, आउए, णामे, गोए, सव्वबहप्पए से से वेयणिजे कम्मे हवइ, सव्वत्थोवे आउए कम्मे हवइ, विसमं समं करेइ बंधणेहि ठिईहि य, विसमसमीकरणयाए बंधणेहिं ठिईहि य एवं खलु केवली समोहणइ, एवं खलु समुग्घायं गच्छइ / मव्वे वि णं भंते ! केवली समोहणंति, , सव्वे वि णं भंते ! केवली समुग्घायं गच्छंति ? गोयमा ! णो इणढे समढे / जस्साउएण तुलाई, बंधणेहिं ठिईहि य / भवोवग्गहकम्माई, समुग्घायं से ण गच्छइ // 11 // अगंतूणं समुग्घायं, अणंता केवली जिणा / जरमरणविप्पमुक्का, सिद्धिं वरगई गया // 2 // 710 // कइ. समइए णं भंते ! आउजीकरणे पण्णत्ते ! गोयमा ! असंखेजसमइए अंतोमहत्तिए आउजीकरणे पण्णत्ते / कइसमइए णं भंते ! केवलिसमुन्धाए पण्णत्ते ? गोयमा ! अट्ठसमइए. पण्णत्ते / तंजहा-पढमे समए दंडं करेइ, बीए समए कवाडं करेई, तइए समए मंथ करेइ, चउत्थे समए लोगं पूरेइ, पंचमे समए लोयं पडिसाहरइ, छट्टे समए मंथ पडिसाहरइ, सत्तमए समए कवाडं पडिसाहरइ, अट्ठमे समए दंडं पडि. साहरइ,दंडं पडिसाहरेत्ता तो पच्छा सरीरत्थे भवइ // 711|| से गंभंते! तहा समु. ग्घायगए कि मणजोगं जुंजइ, वइजोगं जुजइ, कायजोगं जुजइ ? गोयमा! णो मणजोगं जुजइ, णो वइजोगं जुजइ, कायजोगं जुंजइ / कायजोगं णं भंते ! हुंजमाणे कि ओरालियसरीरकायजोगं जुंजइ, ओरालियमीसासरीरकायजोगं जुजइ, कि वेउव्विय सरीरकायजोगं झुंजइ, वेउव्वियमीसासरीरकायजोगं झुंजइ, आहारगसरीरकायजोग०, आहारगमीसासरीरकायजोगं जुंजइ, किं कम्मगसरीरकायजोगं जुजइ ? गोयमा !
