Anangpavittha Suttani Padhamo Suyakhandho

SR No.: 004388
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1984
Total Pages: 608
Language: Sanskrit
Classification: Book_Devnagari, agam_aupapatik, agam_rajprashniya, agam_jivajivabhigam, & agam_pragyapana
File Size: 11 MB

Page 594

पग्णवणासुत्तं प० 35 585 माणसा, सारीरमाणसा / रइया णं भंते ! कि सारीरं वेयणं वेदेति, माणसं वेयणं वेदेति, सारीरमाणसं वेयणं वेदेति ? गोयमा ! सारीरं पि वेयणं वेदेति, माणसं पि वेयणं वेदेति, सारीरमाणसं पि वेयणं वेदेति / एवं जाव वेमाणिया, णवरं एगिंदियविगलिंदिया सारीरं वेयणं वेदेति, णो माणसं वेयण वेदेति, णो सारीरमाणसं वेयणं वदेति / कइविहा णं भंते ! वेयणा पण्णत्ता ? गोयमा ! तिविहा वेयणा पण्णत्ता / वंनहा-साया, असाया, सायासाया / णेरड्या णं भंते ! किं सायं वेयणं वेदेति, असायं वेयणं वेदेति, सायासायं वेयणं वेदेति ? गोयमा ! तिविहं पि वेयणं वेदेति, एवं सव्वजीवा जाव वेमाणिया। काविहा णं मंते ! वेयणा पण्णत्ता ! गोयमा ! तिविहा वेयणा पण्णत्ता / तंजहा-दुक्खा, सुहा, अदुवखमसुहा / परइया णं भंते ! किं दुक्खं वेयणं वेदेति पुच्छा / गोयमा ! दुक्खं पि वेयणं वेदेति, सुहं पि वेयणं वेदेति, अदुक्खमसुहं पि वेयणं वेदेति, एवं जाव वेमाणिया // 683 / / कइविहा णं भंते ! वेयणा पण्णत्ता ! गोयमा ! दुविहा वेयणा पण्णत्ता। तंजहा-अब्भोवगमिया य उवक्कमिया य / णेरइया णं भंते ! अब्भोवगमियं वेयणं वेदेति उववामियं वेयणं वेदेति ? गोयमा ! णो अब्भोव्रगमियं वेयणं वेदेति, उवक्कमियं वेयणं वेदेति, एवं जाव चउरिंदिया / पंचिंदियतिरिक्खजोणिया मणूमा य दुविहं पि वेयणं वेदेति, वाणमंतरजोइसियमाणिया जहा णेरइया // 684 // काविहा णं भंते ! वेयणा पण्णत्ता ! गोयमा ! दुविहा वेयणा पण्णत्ता। तंगहा-णिदा य अणिदा य / णेरइया णं भंते ! किं णिदायें वेयणं वेदेति, अणिदायं वेयणं वेदेति ? गोयमा ! णिदायं पि वेयणं वेदेति, अणिदायं पि वेयणं वेदेति / से केणटेणं भंते! एवं वुच्चइ'णेरइया णिदायं पि. अणिदाय पि वेयणं वेदेति' ! गोयमा ! णेरइया दुविहा पण्णत्ता / तंजहा-सण्णीभूया य असण्णीभूया य / तत्थ णं जे ते सण्णीभूया ते गं णिदायं वेयणं वेदेति, तत्थ णं जे ते असण्णीभूया ते णं अणिदायं वेयणं वेदेति, से तेणटेणं गोयमा ! एवं'णेरइया णिदायं पि वेयणं वेदेति अणिदायं पि वेयणं वेदेति, एवं जाव थणियकुमारा / पुढविकाइयाणं पुच्छा। गोयमा ! णो णिदायं वयणं वेदेति, अणिदायं वेयणं वेदेति / से केणटेणं भंते! एवं बुच्चइ-'पुढविकाइया णो णिदायं वेयणं वेदेति, अणिदायं वेयणं वेदेति' ? गोयमा ! पुदविकाइया सव्वे. असण्णी असंण्णिभूयं अणिदायं वेयणं वेदेति, से तेणटेणं गोयमा ! एवं वुच्चपुढविकाइया णो णिदायं वेयणं वेदेति, अणिदायं वेयणं वेदेति, एवं नाव चरिंदिया / पंचिंदियतिरिक्खजोणिया मणूसा वाणमंतरा जहा णेरइया। जोइसियाणं