________________ अनंगपविट्ठसुत्ताणि पुच्छा / गोयमा ! णिदायं पि वेयणं वेदेति, अणिदायं पि वेयणं वेदेति / से केणटेणं भंते ! एवं वुच्चइ-'जोइसिया णिदायं पि वेयणं वेदेति, अणिदायं पि वेयणं वेदेति' ? गोयमा ! जोइसिया दुविहा पण्णत्ता / तंजहा-माइमिच्छद्दिट्टिउववण्णगा य अमाइसम्मदिहिउववण्णगा य / तत्थ णं जे ते माइमिच्छद्दिट्ठिउववण्णगा ते णं अणिदायं वेयणं वेदेति, तत्थ णं जे ते अमाइसम्मदिदिउचवण्णगा ते णं णिदायं वेयणं वेदेति, से एएणद्वेणं गोयमा! एवं वुच्चइ-'जोइसिया दुविहं पि वेयणं वेदेति, एवं वेमाणिया वि // 685 // पण्णवणाए भगवईए पणतीस इमं वेयणापयं समत्तं / छत्तीसइमं समुग्घायपयं, वेयणकसायमरणे वेउब्धियतेयए य आहारे / केवलिए चेव भवे जीवमणुस्साण सत्तेव // कइ णं भंते ! समुग्घाया पण्णत्ता ! गोयमा ! सत्त समुग्घाया पण्णत्ता / तंजहा-वेयणाससुग्घाए 1, कसायसमुग्घाए 2, मारणंतियसमुग्घाए 3, वेउव्वियममुग्धाए 4, तेयासमुग्घाए 5, आहारगसमुग्घाए 6, केवलिसमुन्घाए 7 / वेयणासमुग्घाए णं भंते ! कइसमइए पण्णत्ते ! गोयमा ! असंखेजसमइए अंतोमुहुत्तिए पण्णत्ते, एवं जाव आहारगसमुग्घाए / केवलिसमुन्घाए गंभंते ! कइसमइए पण्णत्ते ! गोयमा! अट्ठसमइए पण्णत्ते / णेरइयाणं भंते ! कइ समुग्घाया पण्णत्ता 1 गोयमा! चत्तारि समुग्घाया पण्णत्ता / तंजहा-वेयणासमुग्घाए, कसायसमुग्घाए, मारणंतियसमुग्याए, वेउव्वियसमुग्घाए / असुरकुमाराणं भंते ! कइ समुग्घाया पण्णत्ता ! गोयमा ! पंच समुग्घाया पण्णत्ता / तंजहा-वेयणासमुग्घाए, कसायसमुग्याए, मारणंतियसमुग्घाए, वेउव्वियसमुग्धाए, तेयासमुग्घाए, एवं जाव थणियकुमाराणं / पुदविकाइयाणं भंते ! कइ समुग्घाया षण्णत्ता ? गोयमा ! तिणि समुग्घाया पण्णत्ता। तंजहा-वेवणासमुग्घाए, कसायसमुग्याए, मारणंतियसमुग्घाए, एवं जाव चउरिदियाणं / णवरं वाउकाइयाणं चत्तारि समुन्धाया पण्णत्ता। तंजहा-वेयणासमुन्धाए, कसायसमुग्घाए, मारणंतियसमुग्घाए, वेउव्वियसमुग्धाए / पंचिंदियतिरिक्खजोणियाणं जाव वेमाणियाणं भंते ! कइ समुन्धाया पण्णत्ता ? गोयमा ! पंच समुग्घाया पण्णत्ता / तंजहा-वेयणासमुग्घाए, कसायसमुग्घाए, मारणंतियसमुग्घाए, वेउव्विय
