________________ 540 अनंगपविट्ठसुत्ताणि णेरइयाओ कइकिरिया ? गोयमा ! जहेव आइलदंडओ तहेव भाणियव्वो जाव वेमाणियत्ति / जीवा गं भंते ! जीवहिंतो कइकिरिया 1 गोयमा ! तिकिरिया वि, चउकिरिया वि, पंचकिरिया वि, अकिरिया वि। जीवा णं मंते ! णेरइएहितों कइकिरिया ? गोयमा ! तिकिरिया वि. चउकिरिया वि, अकिरिया वि / असुरकुमारेहितो वि एवं चेव जाव वेमाणिएहितो, ओरालियसरीरेहितो जहा जीवेहितो / णेरइए णं भंते ! जीवाओ कइकिरिए ? गोयमा ! सिय तिकिरिए, सिय चउकिरिए, सिय पंचकिरिए / णेरइए णं भंते ! जेरहयाओ कइकिरिए ? गोयमा ! सिय तिकिरिए, सिय चउकिरिए (एवं जाव वेमाणियाओ / णवरं ओरालिय सरीराओ जहा जीवाओ। णेरइए णं भंते ! जीवेहितो कइकिरिए ? गोयमा! सिय तिकिरिए सिय चउकिरिए सिय पंचकिरिए / णेरइए. णं भंते ! रहएहिंतो कइकिरिए ? गोयमा ! सिय तिकिरिए सिय चउकिरिए / एवं जहेव पढमो दंडओ तहा एसो वि बिइओ भाणियब्वो।) एवं जाव वेमाणिएहितो, णवरं णेरइबस्स णेरइएहितो देवेहिंतो य पंचमा किरिया णस्थि / णेरइया णं भंते ! जीवाओ कइकिरिया ? गोयमा ! सिय तिकिरिया, सिय चउकिरिया, सिय पंचकिरिया, एवं जाव वेमाणियाओ, णवरं गेरइयाओ देवाओ य पंचमा किरिया णस्थि / णेरइया णं भंते ! जीवेहिंतो कइकिरिया ? गोयमा! तिकिरिया वि, चउकिरिया वि, पंचकिरिया वि। णेरइया णं भंते ! णेरइएहितो कइकिरिया ? गोयमा ! तिकिरिया वि चउकिरिया वि / एवं जाव वेमाणिएहितो, णवरं ओरालियसरीरेहिंतो जहा जीवेहितो। असुरकुमारे णं भंते ! जीवाओ कइकिरिए ? गोयमा! जहेव णेरइए चत्तारि दंडगा तहेव असुरकुमारे वि चत्तारि दंडगा भाणियब्वा, एवं च उवउजिऊणं भावयव्वं ति / जीवे मणूसे य अकिरिए वुच्चइ, सेसा अकिरिया ण वुच्चंति। सव्वजीवा ओरालिय. सरीरेहितो पंचकिरिया। णेरइयदेवेहितो पंचकिरिया ण बुच्चंति / एवं एककजीवपए चत्तारि चत्तारि दंडगा भाणियव्वा एवं एयं दंडगसयं सव्वे वि य जीवाईया दंडगा // 587|| कइ णं भंते ! किरियाओ पण्णत्ताओ ! गोयमा ! पंच किरियाओ पण्णत्ताओ। तंजहा-काइया जाव पाणाइवायकिरिया / णेरइयाणं भंते ! कई किरियाओ पण्णत्ताओ ? गोयमा ! पंच किरियाओ पण्णत्ताओ। तंजहा-काइया जाव पाणाइवायकिरिया, एवं जाव वेमाणियाणं / जस्स णं भंते ! जीवस्स काइया किरिया कजा तस्स अहिगरणिया किरिया कजइ, जस्स अहिगरणिया किरिया कजइ तस्स
