________________ पण्णवणासुत्तं प० 22 कलहेणं अब्भक्खाणेणं पेसुण्णेणं परपरिवाएणं अरइरईए मायामोसेणं मिच्छादंसणसल्लेणं / सम्वेसु जीवणेरइयभेएणं भाणियव्वा णिरंतरं जाव वेमाणियाणं ति, एवं अट्ठारस एए दंडगा 18 // 584 // जीवे गं भंते ! पाणाइवाएणं कइ कम्मपगडीओ बंधइ ? गोयमा ! सत्तविहबंधए वा अट्टविहबंधए वा / एवं णेरइए जाव णिरंतरं वेमाणिए / जीवा णं भंते ! पाणाइवाएणं कइ कम्मपगडीओ बंधति ? गोयमा ! सत्तविहबंधगा वि अहविहबंधगा वि / णेरड्या णं भंते ! पाणाइवाएणं कइ कम्मपगडीओ बंधति ? गोयमा ! सव्वे वि ताव होजा सत्तविहबंधगा, अहवा सत्तविहबंधगा य अट्ठविहबंधए य, अहवा सत्तविहबंधगा य अट्ठविहबंधगा य / एवं असुरकुमारा वि जाव थणियकुमारा / पुढविआउतेउवाउवणप्फइकाइया य एए सव्वे वि जहा ओहिया जीवा, अवसेसा जहा णरइया / एवं ते जीवेगिंद्रियवजा तिष्णि तिण्णि भंगा सव्वत्थ भागियव्वत्ति जाव मिच्छादसणसल्ले, एवं एगत्तपोहत्तिया छत्तीसं दंडगा होंति // 585 // जीवे णं भंते ! णाणावरणिज कम्मं बंधमाणे कइकिरिए ! गोयमा ! सिय तिकिरिए, सिय चउकिरिए, सिय पंचकिरिए, एवं णेरइए जाव वेमाणिए / जीवा णं भंते ! णाणावरणिज कम्मं बंधमाणा कइकिरिया ? गोयमा ! सिय तिकिरिया, सिय चउकिरिया, सिय पंचकिरिया वि, एवं गैरइया णिरंतरं जाव वेमाणिया / एवं दरिसणावरणि वेयणिजं मोहणिज्ज आउयं णामं गोत्त अंतराइयं च अट्ठविहकम्मपगडीओ भाणियव्वाओ, एगत्तपोहत्तिया सोलस दंडगा भवंति // 586 / / जीवे णं भंते ! जीवाओ कइकिरिए ? गोयमा ! सिय तिकिरिए, सिय चउकिरिए, सिय पंचकिरिए, सिय अकिरिए / जीवे णं भंत ! णेरइयाओ कइ. किरिए ? गोयमा ! सिय तिकिरिए, सिय चउकिरिए, सिय अकिरिए, एवं जाव थणियकुमाराओ। पुढविकाइयाओ आउक्काइयाओ तेउक्काइयाओ वाउक्काइयवणप्फइकाइयंबेइंदियतेइंदियचउरिंदियपंचिंदियतिरिक्खजोणियमणुस्साओ जहा जीवाओ, वाणमंतरजोइसियवेमाणियाओ जहा. णेरइयाओ। जीवे गं भंते ! जीवहिंतो कइ. किरिए ? गोयमा ! सिय तिकिरिए, सिय चउकिरिए, सिय पंचकिरिए, सिय अकिरिए / जीवे णं भंते ! णेरइएहितो कइकिरिए ? गोयमा ! सिय तिकिरिए, सिय चउकिरिए, सिय अकिरिए, एवं जहेव पढमो दंडओ तहा एसो बिइओ. भाणियव्यो / जीवा णं भंते ! जीवाओ कइकिरिया ? गोयमा! सिय तिकिरिया वि. सिय चउकिरिया वि, सिय पंचकिरिया वि, सिय अकिरिया वि / जीवाणं भंते !
