________________ अनंगपविट्ठसुत्ताणि गरुयगुणा पण्णत्ता ? गोयमा ! अणंता, एवं मउयलहुयगुणा वि / एएसि णं भंते ! पुढविकाइयाणं फासिदियस्स कक्खडगरुयगुणाणं मउयलहुयंगुणाण य कयरे कयरेहिंतो अप्पा वा 4 1 गोयमा ! सव्वत्थोवा पुढविकाइयाणं फासिंदियस्स कक्खड. गरुयगुणा, तस्स चेव मउयलहुयगुणा अणंतगुणा / एवं आउकाइयाण वि जाव वणप्फइकाइयाणं, णवरं संठाणे इमो विसेसो दट्टव्वो-आउकाइयाणं थिबुगबिंदुसंठाणसंठिए पण्णत्ते / तेउकाइयाणं सूहकलावसंठाणसंठिए पण्णत्ते / वाउकाइयाणं पडागासंठाणसंठिए पण्णत्ते / वण'फइकाइयाणं णाणासंठाणसंठिए पण्णत्ते // 435 // बेइंदियाणं भंते ! कह इंदिया पण्णत्ता ? गोयमा ! दो इंदिया पण्णत्ता / तंजहाजिभिदिए य फासिदिए य / दोण्हं पि इंदियाणं संठाणं बाहल्लं पोहत्तं पएसा ओगाहणा य जहा ओहियाणं भणिया तहा भाणियव्वा, णवरं फासिदिए हुंडसंठाणसंठिए पण्णत्तेत्ति इमो विसेसो / एएसि गं भंते ! बेइंदियाणं जिभिदियफासिंदियाणं ओगाहणट्ठयाए पएसट्टयाए ओगाहणपएसट्टयाए कयरे कयरेहितो अप्पा वा 4 ? गोयमा ! सव्वत्थोवे बेइंदियाणं जिभिदिए ओगाहणयाए, फासिदिए ओगाहणट्ठयाए संखेजगुणे / पएसट्टयाए-सव्वत्थोवे बेइंदियाणं जिभिदिए पएसट्टयाए, फासिदिए संखेजगुणे। ओगाहणपएसट्टयाए-सव्वत्थोवे बेइंदियस्स जिभिदिए ओगाहणयाए, फासिदिए ओगाहणट्टयाए संखेजगुणे, फासिंदियस्स ओगाहणट्ठयाएहितो जिभिदिए पएसट्टयाए अणंतगुणे, फासिदिए पएसट्टयाए संखेजगुणे / बेइंदियाणं भंते ! जिभिदियस्स केवइया कक्खडगरुयगुणा पण्णत्ता 1 गोयमा ! अणंता / एवं फासिंदियस्स वि, एवं मउयलहुयगुणा वि / एएसि णं भंते ! बेइंदियाणं जिभिदियफासिँदियाणं कक्खडगरुयगुणाणं, मउयलहुयगुणाणं, कक्खडगरुयगुणाणं, मउयलहुयगुणाण य कयरे कयरेहितो अप्पा वा 4 1 गोयमा ! सव्वत्थोवा बेइंदियाणं जिन्मिदियस्स कक्खडगरुयगुणा, फासिदियस्स कक्खडगरुयगुणा अणंतगुणा, फासिंदियस्स कक्खडगरुयगुणेहितो तस्स चेव मउयलहुयगुणा अणंतगुणा, जिभिदियस्स मउयलहुयगुणा अणतगुणा / एवं जाव चउरिदियत्ति, णवरं इंदियपरिवुड्डी कायव्वा / तेइंदियाणं घाणिदिए थोवे, चउरिंदियाणं चक्खिदिए थोवे, सेसं तं चेव / पंचिं. दियतिरिक्खजोणियाणं मणूसाण य जहा जेरइयाणं, णवरं फासिदिए छव्विहसंठाणसंठिए पण्णत्ते / तंजहा-समचउरंसे णिग्गोहपरिमंडले साई खुजे वामणे हुंडे / वाणमंतरजोइसियवेमाणियाणं जहा असुरकुमाराणं // 436 // पुट्ठाइं भंते ! सद्दाई