________________ * पण्णवणासुत्तं प० 15 उ० 1 466 सुणेइ, अपुट्ठाई सद्दाई सुणेइ ? गोयमा ! पुट्ठाई सद्दाई सुणेइ, णो अपुट्ठाई सद्दाई सुणेइ / पुट्ठाई भते ! स्वाइं पासइ, अपुट्टाइं० पासइ ! गोयमा ! णो पुट्टाई रुवाई पासइ, अपुट्ठाई रूवाई पासइ / पुट्ठाई भंते ! गंधाई अग्घाइ, अपुट्ठाई गंधाई अग्धाइ ? गोयमा ! पुढाई गंधाइं अग्घाइ, णो अपुट्ठाइं० अग्घाइ / एवं रसाण वि फासाण वि, णवरं रसाइं अस्साएइ, फासाइं पडिसंवेदेह त्ति अभिलावो कायव्वो। पविट्ठाई भंते ! सद्दाई सुणेइ, अपविटाई सद्दाई सुणेइ ? गोयमा ! पविहाई सद्दाई सुणेइ, णो अपविडाइं सद्दाइं सुणेइ, एवं जहा पुट्ठाणि तहा पविट्ठाणि वि // 437 // सोइंदियस्स णं भंते ! केवइए विसए पण्णत्ते ! गोयमा ! जहण्णेणं अंगुलस्स असं खेजइभागो, उक्कोसेणं वारसहिं जोयणेहितो अच्छिण्णे पोग्गले पुढे पविट्ठाइं सद्दाई सुणेइ / चक्खिदियस्स ण भंते ! केवइए विसए. पण्णत्ते ? गोयमा ! जहण्णेणं अंगुलस्स संखेजहभागो, उक्कोसेणं साइरेगाओ जोयणसयसहस्साओ। अच्छिण्णे पोग्गले अपुढे अपविट्ठाई रूवाई पासइ / घाणिंदियस्स पुच्छा / गोयमा ! जहण्णेणं अंगुलअसंखेजइभागो, उक्कीसेणं णवहिं जोयणेहिंतो अच्छिण्णे पोग्गले पुढे पविट्ठाई गंधाई अग्घाइ, एवं जिन्भिदियस्स वि फासिदियस्स वि॥ 438 // अणगारस्स णं भंते ! भावियप्पणो मारणंतियसमुग्घाएणं समोहयस्स जे चरमा णिजरापोम्गला, सुहुमा णं ते पोग्गला पण्णत्ता समणाउसो!, सव्वं लोगं पि य गं ते ओगाहित्ता णं चिटुंति ? हंता गोयमा ! अणगारस्स भावियप्पणो मारणंतियसमुग्धाएणं समोहयस्स जे चरमा णिजरापोग्गला, सुहुमा णं ते पोग्गला पण्णत्ता समणाउसो!, सव्वं लोगं पि य णं ओगाहित्ता णं चिट्ठति / छउमत्ये णं भंते ! मणूसे तेसिं णिजरापोमगलाणं किं आणत्तं वा णाणत्तं वा ओमत्तं वा तुच्छत्तं वा गरुयत्तं वा लहुयत्तं वा जाणइ पासइ ? गोयमा ! णो इणढे समढे / से केणतुणं भंते ! एवं वुच्चइ-'छउमत्थे णं मणूसे तेसिं णिजरापोग्गलाणं णो किंचि आणत्तं वा णाणत्तं वा ओमत्तं वा तुच्छत्तं वा गरुयत्तं वा लहुयत्तं वा जाणइ पासई' ? गोयमा ! देवे वि य णं अत्थेगइए जे णं तेसि णिजरापोग्गलाणं णो किंचि आणत्तं वा णाणत्तं वा ओमत्तं वा तुच्छत्तं वा गरुयत्तं वा लहुयत्तं वा जाणइ पासइ, से तेण?णं गोयमा ! एवं वुच्चइ-छउमत्थे णं मणूसे तेसिं णिजरापोग्गलाणं णो किंचि आणत्तं वा जाव जाणइ पासइ, एवं सुहमा णं ते पोग्गला पण्णत्ता समणाउसो !, सव्वलोग पि य णं ते ओगाहित्ता णं चिट्ठति // 439 // णेरइया णं भंते ! ते णिजरापोग्गले किं जाणंति पासंति आहारेति, उदाहु
