________________ - पण्णवणासुत्तं प० 15-1 467 चक्खिदियस्स मउयलहुयगुणा अणतगुणा / कक्खडगरुयगुणाणं मउयलहुयगुणाण य-सव्वत्थोवा चक्खिदियस्स कक्खडगरुयगुणा,सोइंदियस्स करखडगस्यगुणा अणंतगुणा, घाणिदियस्स कक्खडगरुयगुणा अणंतगुणा, जिभिदियस्स कवखडगरुयगुणा अणतगुणा, फासिंदियस्स कक्खडगरुयगुणा अणंतगुणा, फासिदियस्स कवखडगरुयगुणेहिंतो तस्स चेव मउयलहुयगुणा अणंतगुणा, जिभिदियस्स मउयलहुयगुणा अणंतगुणा, घाणिदियस्स मउयलहुयगुणा अणंतगुणा, सोइंदियस्स मउयलहुयगुणा अणंतगुणा, चक्खिदियस्स मउयलहुयगुणा अणंतगुणा // 432 // णेरड्याण मंते ! कइ इंदिया पण्णत्ता ? गोयमा ! पंच०, तंजहा-सोइंदिए जाव फासिदिए / णेरइयाणं भंते ! सोइंदिए कि संठिए पण्णत्ते ? गोयमा ! कलंबुयासंठाणसंठिए पण्णत्ते / एवं जहेव ओहियाणं वत्तव्वया भणिया तहेव णेरइयाणं पि जाव अप्पाबहुयाणि दोण्णि वि / णवरं णेरइयाणं भंते ! फासिदिए कि संठिए पण्णत्ते ? गोयमा ! दुविहे पण्णत्ते / तंजहा-भवधारणिजे य उत्तरवेउविए यं / तत्थ णं जे से भवधारणिज्जे से णं हंडसेठाणसंठिए पण्णत्ते, तत्थ णं जे से उत्तरवेउव्विए से वि तहेव, सेसं तं चेव // 433 / / असुरकुमाराणं भंते ! कइ इंदिया पण्णत्ता ? गोयमा ! पंच०, एवं जहा ओहियाणि जाव अप्पाबहुयाणि दोण्णि वि / णवरं फासिदिए दुविहे पण्णत्ते / तंजहाभवधारणिजे य उत्तरवेउव्विए य / तत्थ णं जे से भवधारणिजे से णं समचउरंससंठाणसंठिए पण्णत्ते, तत्थ ण जे से उत्तरवेउन्विए से णं णाणासंठाणसंठिए, सेसं तं चेव / एवं जाव थणियकुमाराणं // 434 // पुढ विकाइयाणं भंते ! कह इंदिया पण्णत्ता गोयमा ! एगे फासिदिए पण्णत्ते / पुढविकाइयाणं भंते ! फासिदिए किंसंठाणसंठिए पंण्णत्ते ! गोयमा ! मसूरचंदसंठाणसंठिए पण्णत्ते / पुढविकाइयाणं भंते ! फासिदिए केवयं बाहल्लेणं पण्णत्ते ? गोयमा ! अंगुलस्स असंखेजइभागं बाहल्लेणं पण्णत्ते / पुढविकाइयाणं भंते! फार्सिदिए केवइयं पोहत्तेणं पण्णत्ते? गोयमा! सरीरप्पमाणमेत्ते पोहत्तेणं प० / पुढविकाइयाणं भंते ! फासिदिए कइपएसिए पण्णत्ते ? गोयमा ! अणंतपएसिए पण्णत्ते / पुढविकाइयाणं भंते ! फासिदिए कइपएसोगाढे पण्णत्ते ! गोयमा ! असंखेजपएसोगाढे पण्णत्ते / एएसि णं भंते ! पुढविकाइयाणं फासिंदियस्स ओगाहणष्ट्ठयाए पएसट्टयाए ओगाहणपएसट्टयाए कयरे कयरेहितो अप्पा वा 4 1 गोयमा ! सव्वत्थोवे पुढविकाइयाणं फासिदिए ओगाहणहयाए, से चेव पएसट्टयाए अणंतगुणे / पुदविकाइयाणं भंते ! फासिदियस्स केवइया कक्खड