________________ अनंगपविट्ठसुत्ताणि अंगुलस्स असंखेजहभागं पोहत्तेणं पण्णत्ते / एवं चक्खिदिए वि घाणिदिए वि / जिभिदिए णं पुच्छा। गोयमा ! अंगुलपहुत्तं पोहत्तेण पण्णत्ते / फासिदिए णं पुच्छा / गोयमा ! सरीरप्पमाणमेत्ते पोहत्तेणं पण्णत्ते 3 // 427|| सोइंदिए णं भंते ! कइपएसिए पण्णत्ते ? गोयमा ! अणंतपए सिए पण्णत्ते / एवं जाव फासिदिए 4 // 428 // सोइंदिए णं भंते ! कईपएसोगाढे पण्णत्ते ? गोयमा ! असंखेजपएसोगाढे पण्णत्ते / एवं जाव फासिदिए 5 // 429 / / एएसि णं भंते ! सोइंदियचक्खिदियघाणिदियजिभिदियफासिंदियाणं ओगाहणट्ठयाए पएसट्टयाए ओगाहणपएसट्टयाए कयरे कयरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवे चक्खिदिए ओगाहणट्ठयाए, सोइंदिए ओगाहणट्टयाए संखेजगुणे, घाणिदिए ओगाहणट्ठयाए संखेजगुणे, जिभिदिए ओगाहणट्ठयाए असंखेजगुणे, फासिदिए ओगाहणट्ठयाए संखेजगुणे, पएसट्टयाए-सव्वत्थोवे चक्खिदिए पएसट्ठयाए, सोइंदिए पएसट्टयाए संखेजगुणे, घाणिदिए पएसट्टयाए संखेजगुणे, जिभिदिए पएसट्टयाए असंखेजगुणे, फासिदिए पएसट्टयाए संखेजगुणे, ओगाहणपएसट्टयाए-सव्वत्थोवे चक्खिदिए ओगाहणट्टयाए, सोइंदिए ओगाहणट्टयाए संखेजगुणे, घाणिदिए ओगाहणट्ठयाए संखेजगुणे, जिभिदिए ओगाहणट्टयाए असंखेजगुणे, फासिदिए ओगाहणट्ठयाए संखेजगुणे, फासिं दियस्स ओगाहणट्ठयाएहिंतो चविखदिए पएसट्टयाए अणंतगुणे, सोइंदिए पएसट्ठयाए संखेजगुणे, घाणिदिए पएसट्टयाए संखेजगुणे, जिभिदिए पएसट्टयाए असंखेजगुणे, फासिदिए पएसट्टयाए संखेजगुणे // 430 // सोइंदियस्स णं भंते ! केवइया कक्खडगरुयगुणा पण्णत्ता ? गोयमा ! अणंता कक्खडगरुयगुणा पण्णत्ता, एवं जाव फासिंदियस्स / सोइंदियस्स णं भंते ! केवइया मउयलहुयगुणा पण्णत्ता ? गोयमा ! अणंता मउयलहुयगुणा पण्णत्ता, एवं जाव फासिंदियस्स // 431 // एएसिणं भंते ! सोइंदियचविखदियघाणिदियजिभिदियफासिंदियाणं कक्खडगरुयगुणाणं मउयलहुयगुणाणं कक्खडगरुयगुणमउयलहुयगुणाण य कयरे कयरेहितो अप्पा वा 4 1 गोयमा ! सव्वत्थोवा चक्खिदियस्स कक्खडगरुयगुणा, सोइंदियस्स कक्खडगरुयगुणा अणंतगुणा, घाणिदियस्स कक्खडगरुयगुणा अणंतगुणा, जिभिदियस्स करवंडगरुयगुणा अणंतगुणा, फासिदियस्स कक्खडगरुयगुणा अणंतगुणा। मउयलहुयगुणाणंसव्वत्थोवा फासिदियस्स मउयलहुयगुणा, जिभिदियस्स मउयलहुयगुणा अणतगुणा, घाणिदियस्स मउयलहुयगुणा अणंतगुणा, सोइंदियस्स मउयलहुयगुणा अणं तगुणा,
