________________ . पण्णवणासुत्तं 50 12 456 मुक्केल्लगा य, एवं जहा ओरालिए बद्धेल्लगा मुक्केलगा य भणिया तहेव आहारगा वि भाणियव्वा / तेयाकम्मगाई जहा एएसिं चेव वेउध्वियाइं // 408 // असुरकुमाराणं भंते ! केवहया ओरालियसरीरा पण्णत्ता ? गोयमा ! जहा णेरइयाणं ओरालियसरीरा भणिया तहेव एएसिं भाणियव्वा / असुरकुमाराणं भंते ! केवइया वेउव्वियसरीरा पण्णत्ता ? गोयमा! दुविहा पण्णत्ता / तंजहा-बद्धलगा य मुक्केलगा य / तत्थ णं जे ते बद्धेल्लगा ते णं असंखेजा, असंखेजाहिँ उस्सप्पिणीओसप्पिणीहिं अवहीरंति कालओ, खेत्तओ असंखेजाओ सेढीओ पयरस्स असंखेजइभागो, तासि णं सेढीणं विक्खंभसूई अंगुलपढमवग्गमूलस्स संखेजहभागो। तत्थ णं जे ते मुक्केलगा ते णं जहा ओरालि यस्स मुक्केलगा तहा भाणियव्वा / आहारगसरीरगा जहा एएसिं चेव ओरालिया तहेव दुविहा भाणियव्वा, तेयाकम्मगसरीरा दुविहा वि जहा एएसिं चेव वेउब्विया, एवं जाव थणियकुमारा // 409 // पुढविकाइयाणं भंते ! केवइया ओरालियसरीरगा पण्णत्ता ? गोयमा ! दुविहा पण्णत्ता। तंजहाबद्धेल्लगा य मुक्केलगा य / तत्थ णं जे ते बद्धलगा ते णं असंखेजा, असंखेजाहिं उस्सप्पिणिओसप्पिणीहि अवहीरंति कालओ, खेत्तओ असंखेजा लोगा। तत्थ णं जे ते मुक्केल्लगा ते णं अणंता, अणंताहिं उस्सप्पिणिओसप्पिणीहि अवहीरंति कालओ. खेत्तओ अणंता लोगा, अभवसिद्धिएहितो अणंतगुणा सिद्धाणं अणंतभागो। पुढविकाइयाणं भंते ! केवइया वेउब्वियसरीरया पण्णत्ता 1 गोयमा ! दुविहा पण्णत्ता / तंजहा-बद्धेल्लगा य मुक्केलगा य / तत्थ णं जे ते बद्धेल्लगा ते णं णत्यि / तत्थ णं जे ते मुक्केलगा ते णं जहा एएसिं चेव ओरालिया तहेव भाणियव्वा / एवं आहारगसरीरा वि / तेयाकम्मगा जहा एएसिं चेव ओरालिया। एवं आउकाइयतेउकाइया वि // 410 // वाउकाइयाणं भंते ! केवइया ओरालियसरीरा पण्णत्ता ? गोयमा ! दुविहा पण्णत्ता / तंजहा-बद्धेल्लगा य मुक्केलगा य / दुविहा वि जहा पुढविकाइयाणं ओरालिया। वेउव्वियाणं पुच्छा / गोयमा ! दुविहा पण्णत्ता / तंजहा-बद्धेल्लगा य मुक्केलगा य / तत्थ णं जे ते बद्धेल्लगा ते णं असंखेजा, समए समए अवहीरमाणा 2 पलिओवमस्स असंखेजइभागमेत्तेणं कालेणं अवहीरंति, णो चेव णं अवहिया सिया। मुक्केल्लगा जहा पुढविकाइयाणं / आहारयतेयाकम्मा जहा पुढविकाइयाणं, वणप्फइ. काइयाणं जहा पुढविकाइयाणं, णवरं तेयाकम्मगा जहा ओहिया तेयाकम्मगा।४११॥
