________________ 458 _अनंगपविट्ठसुत्ताणि ओसप्पिणीहि अवहीरंति कालओ, खेत्तओ असंखेजा लोगा। तत्थ णं जे ते मुक्केलया ते णं अणंता, अणंताहिं उस्सप्पिणिओसप्पिणीहिं अवहीरंति कालओ, खेत्तओ अणंता लोगा, अभवसिद्धिएहितो अणंतगुणा सिद्धाणतभागो। केवइया गं भंते ! वे उव्वियसरीरया पण्णत्ता ? गोयमा ! दुविहा पण्णत्ता। तंजहा-बद्धेलया य मुक्केलया य / तत्थ णं जे ते बद्धेल्लया ते णं असंखेजा, असंखेजाहिं उस्सप्पिणि ओसप्पिणीहिं अवहीरंति कालओ, खेत्तओ असंखेजाओ सेढीओ पयरस्स असंखेजइभागो / तत्थ णं जे ते मुक्केल्लया ते णं अणंता, अणंताहिं उस्सप्पिणिओसप्पिणीहि अवहीरंति कालओ, जहा ओरालियस्स मुक्केल्लया तहेव वेउव्वियस्स वि भाणियव्वा / केवइया णं भंते ! आहारगसरीरया पण्णत्ता ? गोयमा ! दुविहा पण्णत्ता। तंजहा-बद्धेल्लया य मुक्केलया य / तत्थ णं जे ते बद्धेल्लया ते णं सिय अस्थि, सिय णस्थि / जइ अस्थि जहण्णेणं एक्को वा दो वा तिण्णि वा, उक्कोसेणं सहस्सपुहुत्तं / तत्थ णं जे ते मुक्केलया ते णं अणंता, जहा ओरालियस्स मुक्केल्लया तहेव भाणियव्वा। केवइया णं भंते ! तेयगसरीरया पण्णत्ता ? गोयमा! दुविहा पण्णत्ता। तंजहा-बद्धेलगा य मुक्केलगा य / तत्थ णं जे ते बद्धेल्लगा ते णं अणंता, अणंताहिं उस्सप्पिणिओसप्पिणीहिं अवहीरंति कालओ, खेत्तओ अणंता लोगा, दव्वओ सिद्धेहितो अणंतगुणा सव्वजीवाणंतभागूणा / तत्थ णं जे ते मुक्केल्लया ते णं अणंता, अणंताहिं उस्सप्पिणिओसप्पिणीहिं अवहीरंति कालओ, खेत्तओ अणंता लोगा, दव्वओ सव्वजीवेहितो अणंतगुणा जीववग्गस्साणंतभागों। एवं कम्मगसरीराणि वि भाणियव्वाणि // 407 // णेरइयाणं भंते ! केवइया ओरालियसरीरा पण्णत्ता गोयमा ! दुविहा पण्णत्ता / तंजहा-बद्धेल्लगा य मुक्केलगा य / तत्थ णं जे ते बद्धलगा ते णं णत्थि। तत्थ णं जे ते मुक्केलगा ते णं अणंता जहा ओरालियमुक्केलगा तहा भाणियव्वा / णेरइयाणं भंते ! केवइया वेउव्वियसरीरा पण्णत्ता ? गोयमा! दुविहा पण्णत्ता / तंजहाबद्धेल्लगा य मुक्केल्लगा य / तत्थ णं जे ते बद्धेल्लगा ते णं असंखेजा, असंखेजाहिं उस्सप्पिणिओसप्पिणीहिं अवहीरंति कालओ, खेत्तओ असंखेजाओ सेढीओ पयरम्स असंखेजइभागो, तासि णं सेढीणं विक्खंभसूई अंगुलपढमवग्गमूलं बिइयवग्गमूलपड्डुप्पण्णं, अहव णं अंगुलबिइयवग्गमूलघणप्पमाणमेत्ताओ सेढीओ / तत्थ / जे ते मुक्केलगा ते णं जहा ओरालियस्स मुक्केलगा तहा भाणियव्वा / णेरइयाग भंते ! केवइया आहारगसरीरा पण्णत्ता 1 गोयमा ! दुविहा पण्णत्ता / तंजहा-बढ़े लगा य
