________________ पण्णवणासुत्तं प० 12 457 पण्णवणी णं एसा भासा, ण एसा भासा मोसा ? हंता गोयमा ! इच्चेइयं एगवयणं वा जाव परोक्खवयणं वा वयमाणे पण्णवणी णं एसा भासा, ण एसा भासा मोसा // 403|| कइ णं भंते ! भासजाया पण्णत्ता ? गोयमा ! चत्तारि भासज्जाया पण्णत्ता। तंजहा-सच्चमेगं भासजायं बिइयं मोसंभासजायं, तइयं सच्चामोसं भासजायं, चउत्थं असच्चामोसं भासजायं / इच्चेयाइं भंते ! चत्तारि भासज्जायाई भासमाणे किं आराहए विराहए ? गोयमा ! इच्चेयाइं चत्तारि भासजायाई आउत्तं भासमाणे आराहए, णो विराहए। तेण परं अस्संजययाऽविरयाऽपडिहयाऽपच्चक्खायपावकम्मे सच्च वा भासं भासंतो मोसं वा सच्चामोसंवा असच्चामोसं वा भासं भासमाणे णो आराहए, विराहए। एएसि णं भंते! जीवाणं सच्चभासगाणं मोसभासगाणं सच्चामोसभासगाणं असच्चामोसभासगाणं अभासगाण य कयरे कयरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा सच्चभासगा, सच्चामोसभासगा असंखेजगुणा, मोसभासगा असंखेजगुणा, असच्चामोसमासगा असंखेजगुणा, अभासगा अणंतगुणा / 404 / // पण्णवणाए भगवईए एक्कारसमं भासापयं समत्तं // बारसमं सरीरपयं कइ णं भंते ! सरीरा पण्णत्ता ? गोयमा ! पंच सरीरा पण्णत्ता। तंजहा-ओरालिए, वेउन्विए, आहारए, तेयए, कम्मए / णेरइयाणं भंते! कइ सरीरया पण्णत्ता ? गोयमा ! तओ सरीरया पण्णत्ता / तंजहा-वेउविए, तेयए, कम्मए / एवं असुरकुमाराण वि जाव थणियकुमाराणं / पुढषिकाइयाणं भंते ! कइ सरीरया पण्णत्ता ? गोयमा ! तओ सरीरया पण्णत्ता / तंजहा-ओरालिए, तेयए, कम्मए / एवं वाउकाइयवजं जाव चउरिंदियाणं / वाउकाइयाणं भंते ! कइ सरीरया पण्णता ? गोयमा! चत्तारि सरीरया पण्णत्ता / तंजहा-ओरालिए, वेउविए, तेयए. कम्मए। एवं पंचिंदियतिरिक्खजोणियाण वि / मणुस्साणं भंते ! कइ सरीरया पण्णत्ता ? गोयमा ! पंच सरीरया पण्णत्ता / तंजहा-ओरालिए, वेउव्विर, आहारए, तेयए, कम्मए / वाणमंतरजोइसियवेमाणियाणं जहा णारगाणं // 405 6 // केवइया णं भंते ! ओरालियसरीरया पण्णत्ता ? गोंयमा ! दुविहा पण्णत्ता। तंजहा-बद्धेलया य मुक्केलया य / तत्थ णं जे ते बद्धेलया ते णं असंखेजा, असंखेजाहिँ उस्सप्पिणि
