________________ 460 अनंगपविट्ठसुत्ताणि बेइंदियाण भंते ! केवइया ओरालिया सरीरगा पण्णत्ता 1 गोयमा ! दुविहा पण्णत्ता। तंजहा-बद्धलगा य मुक्केलगा य, तत्थ णं जे ते बद्धेल्लगा ते णं असंखेजा, असंखेजाहिं उस्सप्पिणिओसप्पिणीहिँ अवहीरंति कालओ, खेत्तओ असंखेजाओ सेढीओ पयरस्स असंखेजहभागो, तासि णं सेढीणं विक्खंभसूई असंखेजाओ जोयणकोडाकोडीओ असंखेजाइं सेढिवग्गमूलाई / बेइंदियाण ओरालियसरीरेहिं बद्धलगेहिं पयरो अवहीरइ, असंखेजाहिं उस्सप्पिणीओसप्पिणीहिँ कालओ, खेत्तओ अंगुलपयरस्स आवलियाए य असंखेजइभागपलिभागेणं / तत्थ णं जे ते मुक्केलगा ते जहा ओहिया ओरालियमुक्केलगा। वेउब्बिया आहारंगा य बद्धलगा णस्थि / मुक्केलगा जहा ओहिया ओरालियमुक्केलगा। तेयाकम्मगा जहा एएसिं चेव ओहिया ओरालिया, एवं जाव चउरिदिया। पंचिंदियतिरिक्खजोणियाणं एवं चेव, णवरं वेउव्वियसरीरएसु इमो विसेसो-पंचिंदियतिरिक्खजोणियाणं भंते ! केवइया वेउब्वियसरीरया पण्णत्ता ? गोयमा! दुविहा पण्णत्ता। तंजहा-बद्धेल्लगा य मुक्केल्लगा य / तत्थ णं जे ते बद्धेल्लगा ते णं असंखेजा, जहा असुरकुमाराणं, णवरं तासि णं सेढीणं विक्खंभसूई अंगुलपढमवग्गमूलस्स असंखेजइभागो। मुक्केलगा तहेव / / 412 // मणुस्साणं भंते ! केवइया ओरालियसरीरगा पण्णत्ता ? गोयमा ! दुविहा पण्णत्ता। तंजहा-बद्धलगा य मुक्कलगा य, तत्थ णं जे ते बद्धेल्लगा ते णं सिय संखेजा, सिय असंखेजा, जहण्णपए संखेजा, संखेजाओ कोडाकोडीओ, तिजमलपयस्स उवरिं चउजमलपयस्स हिट्ठा, अहव णं पंचमवग्गपडुप्पण्णो छट्टो वग्गो, अहव णं छण्णउईछेयणगदाइरासी, उक्कोसपए असंखेजा, असंखेजाहिं उस्सप्पिणिओसप्पिणीहिं अवहीरंति कालओ, खेत्तओ रूवपक्खित्तेहिं मणुस्सेहिं सेढी अवहीरइ, तीसे सेढीए आगासखेत्तेहिं अवहारो मग्गिजइ-असंखेजा, असंखेजाहिँ उस्सप्पिणिओसप्पिणीहिं कालओ, खेत्तओ अंगुलपढमवग्गमूलं तइयवग्गमूलपडुप्पण्णं / तत्थ णं जे ते मुक्केलगा ते जहा ओरालिया ओहिया मुक्केलगा। वेउव्वियाणं भंते ! पुच्छा। गोयमा ! दुविहा पण्णत्ता / तंजहा-बद्धेल्लगा य मुक्कल्लगा य, तत्थ णं जे ते वद्धेल्लगा ते णं संखेजा, समए 2 अवहीरमाणा 2 संखेजेणं कालेणं अवहीरंति, णो चेव णं अवहीरिया सिया। तत्थ णं जे ते मुक्केलगा तेणं जहा ओरालिया ओहिया। आहारगसरीरा जहा ओहिया / तेयाकम्मगा जहा एएसिं चेव ओरालिया वाणमंतराणं जहा णेरइयाणं ओरालिया आहारगा य / वेउब्वियसरीरगा जहा णेरइयाणं, णवरं तासि णं सेढीणं विक्खंभसूई, संखेजजोयणसयवग्गपलिभागो पयरस्स / मुक्केलया
