________________ - पण्णवणासुत्तं प० 6 मीसिया जोणी ? गोयमा ! णो सचित्ता जोणी,अचित्ता जोणी, णो मीसिया जोणी / असुरकुमारा भंते ! किं सचित्ता जोणी, अचित्ता जोणी, मीसिया जोणी ? गोयमा! जो सचित्ता जोणी, अचित्ता जोणी, जो मीसिया जोणी, एवं जाव थणियकुमाराणं। पुढविकाइयाणं भंते ! किं सचित्ता जोणी, अचित्ता जोणी, मीसिया जोणी ? गोयमा! सचित्ता जोणी, अचित्ता जोणी, मीसिया वि जोणी, एवं जाव चउरिंदियाणं / संमु. च्छिमपंचिंदियतिरिक्खजोणियाणं संमुच्छिममणुस्साण य एवं चेव / गम्भवकंतियपंचिंदियतिरिक्खजोणियाणं गब्भवकंतियममणुस्साण य णो सचित्ता, णो अचित्ता, मीसिया जोणी। वाणमंतरजोइसियवेमाणियाणं जहा असुरकुमाराणं // 347 // एएसि णं भंते ! जीवाणं सचित्तजोणीणं अचित्तजोणीणं मीसजोणीणं अजोणीण य कयरे कयरेहितो अप्पा वा बहुया वा तुला वा विसेसांहिया वा ? गोयमा! सव्वत्थोवा जीवा मीसजोणिया, अचित्तजोणिया असंखेजगुणा, अजोणिया अणंतगुणा, सचित्तजोणिया अणंतगुणा / / 348 / / कहविहा णं भंतें ! जोणी पण्णत्ता ? गोयमा ! तिविहा जोणी पण्णत्ता / तंजहा-संवुडा जोणी, वियडा जोणी, संवुडवियडा जोणी // 349|| णेरइयाणं भंते ! किं संघुडां जोणी, वियडा जोणी, संवुडवियडा जोणी ? गोयमा ! संवुडजोणी, णो वियडजोणी, णो संवुडवियडजोणी। एवं जाव वणस्सइ. काइयाणं / बेइंदियाणं पुच्छा / गोयमा! णो संवुडजोणी, वियडजोणी, णो संवुडवियडजोणी / एवं जाव चउरिंदियाणं / संमुच्छिमपंचिदियतिरिक्खजोणियाणं संमुच्छिममणुस्साण य एवं चेव / गन्भवतियपंचिंदियतिरिक्खजोणियाणं गब्भवकंतियमणुस्साण य णो संवुडा जोणी, णो वियडा जोणी, संवुडवियडा जोणी। वाणमंतरजोइसियवेमाणियाणं जहा णेरइयाणं // 350 // एएसि णं भंते ! जीवाणं संवुडजोणियाणं वियडजोणीयाणं संत्रुडवियडजोणियाणं अजोणियाण य कयरे कयरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा संवुडवियडजोणिया, वियडजोणिया असंखिजगुणा, अजोणिया अणंतगुणा, संवुडजोणिया अणंतगुणा // 351 / / कइविहा णं भंते ! जोणी पण्णता ? गोयमा ! तिविहा जोणी पण्णत्ता / तंजहा-कुम्मुण्णया, संखावत्ता, वंसीपत्ता / कुम्मुण्णया ण जोणी उत्तमपुरिसमाऊणं / कुम्मुण्णयाए णं जोणीए उत्तमपुरिसा गम्भे वक्कमंति, तंजहा-- अरहंता, चक्कवट्टी, बलदेवा, वासुदेवा / संखावत्ता णं जोणी इत्थीरयणस्स, संखावत्ताए जोणीए बहवे जीवा य पोग्गला य वकमंति विउक्कमंति चयंति उवचयंति णो
