________________ णवमं जोणीपयं कइविहां णं मंते ! जोणी पण्णत्ता 1 गोयमा! तिविहा जोणी पण्णत्ता। तंजहासीया जोणी, उसिणा जोणी, सीओसिणा जोणी // 343 // णेरइयाणं भंते ! किं सीया जोणी, उसिणा जोणी, सीओसिणा जोणी ? गोंयमा!सीया वि जोणी, उसिणा वि जोणी, णो सीओसिणा जोणी। असुरकुमाराणं भंते ! किं सीया जोणी, उसिणा जोणी, सीओसिणा जोणी ? गोयमा ! णो सीया जोणी, णो उसिणा जोणी, सीओ. सिया जोणी, एवं जाव थणियकुमाराणं / पुढविकाइयाणं भंते ! कि सीया जोणी, उसिणा जोगी, सीओसिणा जोणी ? गोयमा ! सीया वि जोणी, उसिणा वि जोणी, सीओसिणा वि जोणी। एवं आउवांउवणस्सइबेइंदियतेइंदियचउरिंदियाण वि पत्तेय भाणियव्वं / तेउकाइयाणं णो सीया, उसिणा, णो सीओसिणा / पंचिंदियतिरिक्वजोणियाणं भंते ! किं सीया जोणी, उसिणा जोणी, सीओसिणा जोणी ? गोयमा ! सीया वि जोणी, उसिणा वि जोणी, सीओसिणा वि जोणी। संमुच्छिमपंचिं दियतिरिक्खजोणियाण वि एवं चेव / गब्भवतंतियपंचिंदियतिरिक्खजोणियाणं भंते ! किं सीया जोणी, उसिणा जोणी, सीओसिणा जोणी ? गोयमा ! णो सीया जोणी, णो उसिणा जोणी, सीओसिणा जोणी / मणुस्साणं भंते ! किं सीया जोणी, उसिणा जोणी, सीओसिणा जोणी ? गोयमा ! सीया वि जोणी, उसिणा वि जोणी, सीओसिणा वि जोणी / समुच्छिममणुस्साणं भंते ! किं सीया जोणी, उसिणा जोणी, सीओसिणा जोणी ? गोयमा! तिविहा जोणी / गन्भवतियमणुस्साणं भंते ! किं सीया जोगी उसिणा जोणी, सीओसिया जोणी ? गोयमा! णो सीया, णो उसिणा, सीओसिणा जोणी / वाणमंतरदेवाणं भंते ! किं सीया जोणी, उसिणा जोणी, सीओसिणा जोणी ? गोयमा ! णो सीया, णो उसिणा, सीओसिणा जोणी। जोइसियवेमाणियाण वि एवं चेव // 344 // एएसिणं भंते ! सीयजोणियाणं उसिणजोणियाणं सीओसिणजोणियाणं अजोणियाण य कयरे 2 हिंतो अप्पा वा, बहुया वा, तुला वा, विसेसाहिया वा 1 गोयमा ! सव्वत्थोवा जीवा सीओसियजोणिया, उसिणजोणिया असंखेजगुणा, अजोणिया अणंतगुणा, सीयजोणिया अणंतगुणा // 345 // कइविहा णं भंते ! जोणी पण्णत्ता ? गोयमा ! तिविहा जोणी पण्णता / तंजहा-सचित्ता, अचित्ता, मीसिया // 346 / / णेरइयाणं भंते ! किं सचित्ता कोणी, अचित्ता जोणी,
