________________ - पण्णवणासुत्तं प०८ 437 सण्णोवउत्ता वि जाव परिग्गहसण्णोवउत्ता वि / एएसि णं भंते ! णेरइयाणं आहारसण्णोवउत्ताणं भयसण्णोवउत्ताणं मेहुणसण्णोवउत्ताणं परिग्गहसण्णोवउत्ताण य कयरे कयरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा णेरइया मेहुणसण्णोवउत्ता, आहारसण्णोवउत्ता, संखिजगुणा, परिग्गहसण्णोवउत्ता संखिजगुणा, भयसण्णोवउत्ता संखिजगुणा // 339 // तिरिक्खजोणिया णं भंते ! किं आहारसण्णोवउत्ता जाव परिग्गहसण्णोवउत्ता? गोयमा! ओसण्णं कारणं पडुच्च आहारसण्णोवउत्ता, संतइभावं पडुच्च आहारसण्णोवउत्ता वि जाव परिग्गहसण्णोवउत्ता वि। एएसि णं भंते ! तिरिक्खजोणियाणं आहारसण्णोवउत्ताणं जाव परिग्गहसण्णोवउत्ताण य कयरे कयरेहितो अप्पा वा बहुया वा तुला वा विसेसाहिया वा ? गोयमा ! सव्वत्थोवा तिरिक्खज़ोणिया परिग्गहसण्णोवउत्ता, मेहुणसण्णोवउत्ता संखिजगुणा, भयसण्णोवउत्ता संखिजगुणा, आहारसण्णोवउत्ता मंखिजगुणा // 340 // मणुस्सा गं भंते ! किं आहारसण्णोवउत्ता जाव परिम्गहसण्णोवउत्ता ? गोयमा ! ओसणं कारणं पडुच्च मेहुणसण्णोवउत्ता, संतइभावं पडुच्च आहारसण्णोवउत्ता वि जाव परिग्गहसण्णोवउत्ता वि। एएसि णं भंते ! मणुस्साणं आहारसण्णोवउत्ताणं जाव परिग्गहसण्णोवउत्ताण य कयरे कयरेहितो अप्पा वा बहुया वा तुल्ला वा विसेसाहिया वा ? गोयमा! सव्वत्थोवा मणूसा भयसण्णोवउत्ता, आहारसण्णोवउत्ता संखिजगुणा, परिग्गहसण्णोवउत्ता संखिजगुणा, मेहुणसण्णोवउत्ता संखिजगुणा // 341 / / देवा णं भंते ! किं आहारसण्णोवउत्ता जाव परिग्गहसण्णोवउत्ता ? गोयमा! ओसण्णं कारणं पडुच्च परिग्गहसण्णोवउत्ता, संतहभावं पडुच्च आहारसण्णोवउत्ता वि जाव परिग्गहसण्णोवउत्ता वि। एएसि गंभंते ! देवाणं आहारसण्णोवउत्ताणं जाव परिग्गहसण्णोवउत्ताण य कयरे कयरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा देवा आहारसण्णोवउत्ता, भयसण्णोवउत्ता संखेजगुणा, मेहुणसण्णोवउत्ता संखेजगुणा, परिम्गहसण्णोवउत्ता संखेजगुणा / / 342 // पण्णवणाए भगवईए अट्ठमं सण्णापयं समत्तं / /
