________________ 436 - अनंगपविट्ठसुत्ताणि संति वा 1 गोयमा ! जहण्णेणं पणवीसाए पक्खाणं, उक्कोसेणं छवीसाए पवख जाव णीससंति वा / मज्झिममज्झिमगेविजगदेवाण भंते ! केवइकालस्स जावणीस. संति वा ? गोयमा ! जहण्णेणं अव्वीसाए पक्खाणं, उक्कोसेणं सत्तावीसाए पक्खाणं जाव णीससंति वा। मज्झिमउवरिमगेविजगदेवा णं भंते ! केवइकालस्स जाव णीससंति वा ? गोयमा ! जहण्णेणं सत्तावीसाए पक्खाणं, उक्कोसेणं अट्ठावीसाए पक्खाणं जाव णीससंति वा / उवरिमहेट्ठिमगेविजगदेवा णं भंते ! केवइकालस्स जाव णीससंति वां ? गोयमा ! जहण्णेणं अट्ठावीसाए पक्खाणं, उक्कोसेणं एगूणतीसाए पक्खाणं जाव णीससंति वा। उवरिममज्झिमगेविजगदेवा णं भंते ! केवइकालम्स जाव णीससंति वा ? गोयमा ! जहण्णेणं एगूणतीसाए पक्खाणं, उक्कोसेणं तीसाए पक्खाणं जाव णीससंति वा / उवरिमउवरिमगेविजगदेवा णं भंते ! केवइकालस्स जाव णीससंति वा ? गोयमा ! जहण्णेणं तीसाए पक्खाणं, उक्कोसेणं एकतीसाए पक्खाणं जाव णीससंति वा // 335 // विजयवेजयंतजयंतअपराजियविमाणेसु णं देवा णं भंते ! केवइकालस्स जाव णीससंति वा ? गोयमा ! जहण्णेणं एकतीसाए पक्खाणं, उक्कोसेणं तेत्तीसाए पक्खाणं जाव णीससंति वा / सव्वदृसिद्धगदेवा णं भंते ! केवइ. कालस्स जाव णीससंति वा ? गोयमा ! अजहण्णमणुक्कोसेणं तेत्तीसाए पक्खागं जाव णीससंति वा // 336 // पण्णवणाए भगवईए सत्तम ऊसासपयं समत्तं // अट्ठमं सण्णापयं कइ णं भंते ! सण्णाओ पण्णत्ताओ ? गोयमा! दस सण्णाओ पण्णत्ताओ। तंजहा-आहारसण्णा, भयसण्णा, मेहुणसण्णा, परिग्गहसण्णा, कोहसण्णा, माणसण्णा, मायासण्णा, लोहसण्णा, लोयसण्णा, ओघसण्णा // 337 // णेरइयाणं भंते ! कइ सण्णाओ पण्णत्ताओ ? गोयमा ! दस सण्णाओ पण्णत्ताओ। तंजहा-आहारसण्णा जाव ओघसण्णा / असुरकुमाराणं भंते ! कइ सण्णाओ पण्णत्ताओ ? गोयमा! दस सण्णाओ पण्णत्ताओ तंजहा-आहारसण्णा जाव ओघसण्णा, एवं जाव थणियकुमाराणं / एवं पुढविकाइयाणं जाव वेमाणियावसाणाणं णेयव्वं // 338 // णेरइया णं भंते ! किं आहारसण्णोवउत्ता, भयसण्णोवउत्ता, मेहुणसण्णोवउत्ता, परिम्गहसण्णोवउत्ता 1 गोयमा ! ओसण्णं कारणं पडुच्च भयसण्णोवउत्ता, संतइभावं पडुच्च आहार
