________________ 440 अनंगपविटुसुत्ताणि चेव णं णिप्फजंति / वसीपत्ता णं जोणी पिहुजणस्स, सीपत्ताए णं जोणीए पिहुजणे गब्भे वकमंति // 352 // // पण्णवणाए भगवईए णवमं जोणीपयं समत्तं // दसमं चरमपयं . कइ णं भंते ! पुढवीओ पण्णत्ताओ ? गोयमा ! अट्ट पुढवीओ पण्णत्ताओ। तंजहा-रयणप्पभा, सक्करप्पभा, वालुयप्पभा, पंकप्पभा, धूमप्पभा, तमप्पभा, तमतमप्पभा, ईसिप्यन्मारा // 353 // इमा णं भंते ! रयणप्पभा पुढवी किं चरमा, अचरमा, चरमाइं, अचरमाइं, चरमंतपएसा, अचरमंतपएसा ? गोयमा ! इमा णं रयणप्पभा पुढवी णो चरमा, णो अचरमा, णो चरमाई, णो अचरमाई, पो चरमंतपएसा, णो अचरमंतपएसा, णियमाऽचरमं चरमाणि य, चरमंतपएसा य अचरमंतपएसा य, एवं जाव अहेसत्तमा पुढवी, सोहम्माई जाव अणुत्तरविमाणा एवं चेव, ईसिप्पन्भारा वि एवं चेव, लोगे वि एवं चेव, एवं अलोगे वि // 354|| इमीसे णं भंते ! रयणप्पभाए पुढवीए अंचरमस्स य चरमाण य चर. मंतपएसाण य अचरमंतपएसाण य दव्वट्ठयाए पएसट्टयाए दवहपएसट्टयाए कयरे कयरेहितो अप्पा वा बहुया वातुल्ला वा विसेसाहिया वा ? गोयमा ! सव्वत्थोवे इमीसे रयणप्पभाए पुढवीए दव्वट्टयाए एगे अचरमे, चरमाइं असंखेजगुणाई, अचरमं च चरमाणि य दो वि विसेसाहिया, पएसट्टयाए सव्वत्थोवा इमीसे रयणप्पभाए पुढवीए चरमंतपएसा, अचरमंतपएसा असंखेजगुणा, चरमंतपएसा य अचरमंत. पएसा य दो वि विसेसाहिया, दव्वट्ठपएसट्टयाए सव्वत्थोवे इमीसे रयणप्पभाए पुढवीए दव्वट्ठयाए एगे अचरमे, चरमाइं असंखेजगुणाई, अचरमं चरमाणि य दो वि विसेसाहियाई, पएसट्टयाए चरमंतपएसा असंखेजगुणा, अचरमंतपएसा असंखेजगुणा, चरमंतपएसा य अचरमंतपएसा य दो वि विसेसाहिया / एवं जाव अहेसत्तमाए, सोहम्मस्स जाव लोगस्स एवं चेव // 355 // अलोगस्स ण भंते ! अचरमस्स य चरमाण य चरमंतपएसाण य अचरमंतपएसाण य दवट्ठयाए पएसट्टयाए दव्वठ्ठपएसट्टयाए कयरे कयरेहितो अप्पा वा बहुया वा तुला वा विसेसाहिया वा ? गोयमा ! सव्वत्थोवे अलोगस्स दव्वट्टयाए एगे अचरमे, चर
