________________ - पण्णवणासुत्तं प० 6 सेसाउया परभवियांउयं पकरेंति 1 गोयमा ! णियमा छम्मासावसेसाउया परभविया. उयं० / एवं असुरकुमारा वि, एवं जाव थणियकुमारा / पुढविकाइया णं भंते ! कइभागावसेसाउया परभवियाउयं पकरेंति ? गोयमा ! पुढविकाइया दुविहा पण्णत्ता। तंजहा-सोवकमाउया य णिरुवकमाउया य / तत्थ णं जे ते णिरुवक्कमाउया ते णियमा तिभागावसेसाउया परभवियाउयं पकरेंति / तत्थ णं जे ते सोवकमाउया ते सिय तिभागावसेसाउया परभवियाउयं पकरेंति, सिय तिभागतिभागावसेसाउया परभवियाउयं पकरेंति, सिय तिभागतिभागतिभागावसेसाउया परभवियाउयं पकरेति / आउतेउवाउवण'फइकाइयाणं बेइंदियतेइंदियचउरिदियाण वि एवं चेव // 324 // पंचिंदियतिरिक्खजोणिया णं भंते ! कहभागावसेसाउया परभवियाउयं पकरेंति ? गोयमा ! पंचिंदियतिरिक्खजोणिया दुविहा पण्णत्ता। तंजहा-संखेजवासाउया य असंखेजवासाउया य / तत्थ णं जे ते असंखेजवासाउया ते णियमा छम्मासावसेसाउया परभवियाउयं पकरेंति / तत्थ णं जे ते संखेजवासाउया ते दुविहा पण्णत्ता। तंजहा-सोवक्कमाउया य णिरुवकमाउया य / तत्थ णं जे ते णिरुवकमाउया ते णियमा तिभागावसेसाउया परभवियाउयं पकरेंति / तत्थ ण जे ते सोवकमाउया ते णं सिय तिभागे परभवियाउयं पकरेंति, सिय तिभागतिभागे परभवियाउयं पकरेंति, सिय तिभागतिभागतिभागावसेसाउया परभवियाउयं पकरेति / एवं मणूसा वि। वाणमंतरजोइसियवेमाणिया जहा णेरइया // 7 दारं // 325 // कइविहे गं भंते ! आउयबंधे पण्णत्ते ? गोयमा ! छविहे आउयबंधे पण्णत्ते / तंजहा-१ जाइणामणिहत्ताउए, 2 गइणामणिहत्ताउए, 3 ठिईणामणिहत्ताउए, 4 ओगाहणणामणिहत्ताउए, 5 पएसणामणिहत्ताउए, 6 अणुभावणामणिहत्ताउए / रइयाणं भंते ! कइविहे आउयबंधे पणत्ते ? गोयमा ! छविहे आउयबंधे पण्णत्ते / तंजहा-जाइणामणिहत्ताउए, गइणामणिहत्ताउए, ठिईणामणिहत्ताउए, ओगाहणणामणिहत्ताउए, पएसणामणिहत्ताउए, अणुभावणामणिहत्ताउए, एवं जाव वेमाणियाणं // 326 / / जीवा णं भंते ! जाइणामणिहत्ताउयं कईहिं आगरिसेहिं पगरेति ? गोयमा ! जहण्णेणं एक्केण वा दोहिं वा तीहिं वा उक्कोसेणं अट्ठहिं / णेरड्या णं भंते ! जाइणामणिहत्ताउयं कइहिं आगरिसेहिं पगरेंति ? गोयमा ! जहण्णेणं एक्केण वा दोहिं वा तीहिं वा, उक्कोसेणं अट्टहिं / एवं जाव वेमाणिया / एवं गाणामणिहत्ताउए वि, ठिईणामणिहत्ताउए वि, ओगाहणणाम.
