________________ 434 अनंगपविट्ठसुत्ताणि णिहत्ताउए वि, पएसणामणिहत्ताउए वि, अणुभावणामणिहत्ताउए वि // 327 // एएसि णं भंते ! जीवाणं जाइणामणिहत्ताउयं जहण्णेणं एक्केण वा दोहिं वो तीहिं वा उक्कोसेणं अट्ठहिं आगरिसेहिं पकरेमाणाणं कयरे कयरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा जाइणामणिहत्ताउयं अट्ठहिं आगरिसेहिं पकरेमाणा, सत्तहिं आगरिसेहिं पकरेमाणा संखिजगुणा, छहिं आगरिसेहिं पकरेमाणा संखिजगुणा, एवं पंचहिं संखिजगुणा, चउहिं संखिजगुणा, तीहिं संखिज गुणा, दोहिं संखिजगुणा, एगेणं आगरिसेणं पकरेमाणा संखिजगुणा / एवं एएणं अभिलावेणं जाव अणुभागणामणिहत्ताउयं, एवं एए छप्पिय अप्पाबहुदंडगा जीवाइया भाणियव्वा / / 8. दारं // 328 // पण्णवणाए भगवईए छठें ववकंतीपयं समतं // सत्तमं ऊसासपयं रइया णं भंते ! केवइकालस्स आणमंति वा पाणमंति वा ऊससंति वा णीससंति वा ? गोयमा ! सययं संतयामेव आणमंति वा पाणमंति वा ऊससंति वा णीससंति वा // 329 // असुरकुमारा णं भंते ! केवइकालस्स आणमति वा पाणमंति वा ऊससंति वा णीससंति वा 1 गोयमा ! जहण्णेणं सत्तण्हं थोवाणं, उक्कोसेणं साइरेगस्स पक्खस्स आणमंति वा जाव णीससंति वा / णागकुमारा णं भंते ! केवहकालस्स आणमंति वा पाणमंति वा ऊससंति वा णीससंति वा ? गोयमा ! जहण्णेणं सत्तण्डं थोवाणं, उक्कोसेणं मुहुत्तपुहुत्तस्स, एवं जाव थणियकुमाराणं // 330 // पुढविकाइया णं भंते ! केवइकालस्स आणमंति वा जाव णीससंति वा ? गोयमा ! वेमायाए आणमंति वा जाव णीससंति वा / एवं जाव मणूसा / वाणमंतरा जहा णागकुमारा // 331 // जोइसिया णं भंते ! केवइकालस्स आणमंति वा जाव णीससंति वा ? गोयमा! जहण्णेणं मुहुत्तपुहुत्तस्स, उक्कोसेण वि मुहुत्तपुहत्तस्स जाव णीससंति वा // 332 // वेमाणिया णं भंते ! केवइकालस्स आणमंति वा जाव णीससंति वा ? गोयमा ! जहण्णेणं मुहुत्तपुहुत्तस्स, उक्कोसेणं तेत्तीसाए पक्खाणं जाव णीससंति वा // 333 / / सोहम्मदेवा णं भंते ! केवइकालस्स आणमंति वा जाव णीससंति वा ? गोयमा ! जहण्णेणं मुहुत्तपुहुत्तस्स, उक्कोसेणं दोण्हं पक्खाणं जावं णीससंति वा /