________________ ओववाइयसुत्तं 35 णो कम्पइ अण्णउत्थिया वा अण्णउन्थियदेवयाणि वा अण्णउन्थियपरिग्गहियाणि . वा चेइयाई वंदित्तए वा णमंसित्तए वा जाव पज्जुवासित्तए वा णण्णत्थ अरिहंते वा अरिहंत चेइयाई वा। अम्मडे णं भंते ! परिव्वायए कालमासे कालं किच्चा कहिं गच्छिहिइ ? कहिं उववजिहिइ ?, गोयमा ! अम्मडे णं परिव्वायए उच्चावएहिं सीलव्वयगुणवेरमणपच्चक्खाणपोसहोववासेहिं अप्पाणं भावमाण बहूई वासाइं समणोवासयपरियायं पाउणिहिइ 2 त्ता मासियाए संलेहणाए अप्पाणं झूसित्ता सटिंट भत्ताई अणसणाए छेदित्ता आलोइयपडिकंते समाहिपत्ते कालमासे कालं किच्चा बंभलोए कप्पे देवत्ताए उक्वजिहिइ, तत्थ णं अत्थेगइयाणं देवाणं दस सागरोवमाइं ठिई पण्णत्ता, तत्थ णं अम्मडस्सवि देवस्स दस सागरोवमाइं ठिई / से णं भंते ! अम्मडे देवे ताओ देवलोगाओ आउवखएणं भवरखएणं ठिइक्खएणं अणंतरं चयं चइत्ता कहिं गच्छिहिइ कहिं उववजिहिइ ? गोयमा!महाविदेहे वासे जाई कुलाइं भवंति अड्ढाई दित्ताई वित्ताई विच्छिण्णविउलभवणमयणासणजाणवाहणाई बहुधणजायरूवरययाई आओगपओगसंपउत्ताई विच्छड्ड्यिउरभत्तपाणाई बहुदासीदासगोमहिसगवेलगप्पभूयाइं बहुजणरस अपरिभूयाइं तहप्पगारेसु कुलेसु पुमत्ताए पञ्चायाहिइ / तए णं तस्स दारगस्स गब्भत्थस्स चेव समाणस्स अम्मापिईणं धम्मे दढा पइण्णा भविस्सइ, से णं तत्थ णवण्हं मासाणं बहुपडिपुण्णाणं अट्ठहमाणराइंदियाणं वीइकंताणं सुकुमालंपाणिपाए जाव ससिसोमाकारे कंते पियदंसणे सुरूवे दारए पयाहिइ, तए णं तस्स दारगस्स अम्मापियरो पढमे दिवसे ठिइवडियं काहिंति, बिंइयदिवसे चंदसूरदंसणियं काहिंति, छठे दिवसे जागरियं काहिंति, एकारसमे दिवसे वीइकंते णिन्वित्ते असुइजायकम्मकरणे संपत्ते बारसाहे दिवसे अम्मापियरो इमं एयारूवं गोणं गुणणिप्फणं णामधेनं काहिंतिजम्हा णं अम्हं इमंसि दारगंसि गम्भत्थंसि चेव समाणंसि धम्मे दढपइण्णा तं होउ णं अम्हं दारए दढपइण्णे णामेणं, तए णं तस्स दारगस्स अम्मापियरो णामधेनं करेहिति ददपइण्णेत्ति / तं दढपइण्णं दारगं अम्मापियरो साइरेगऽहवासजायगं जाणित्ता सोभणंसि तिहिकरणणक्खत्तमुहुत्तंसि कलायरियस्स उवणेहिति / तए णं से कलायरिए तं दढपइण्णं दारगं लेहाइयाओ गणियप्पहाणाओ सउणरुयपज्जवसाणाओ बावत्तरिकलाओ सुत्तओ य अत्थओ य करणओ य सेहाविहिइ सिक्खाविहिइ, तंजहा-लेहं गणियं रूवं णटें गीयं वाइयं सरगयं पुक्खरगयं समतालं जूयं जणवायं
