________________ अनंगपविट्ठसुत्ताणि पासगं अट्ठावयं पोरेकच्चं दगमटियं अण्णविहिं पाणविहिं वत्थविहिं विलेवणविहिं सयणविहिं अजं पहेलियं मागहियं गाहं गीइयं सिलोयं हिरण्णजुत्तिं सुवण्णजुत्तिं गंधजुत्तिं चुण्णजुत्तिं आभरणविहिं तरुणीपडिकम्मं इत्थिलक्खणं पुरिसलक्खणं हयलक्खणं गयलक्खणं गोणलक्खणं कुक्कुडलवखणं चक्कलदखणं छत्तलवखणं चम्मूलक्खणं दंडलक्खणं असिलक्खणं मणिलक्खणं काय णिलबखणं वन्थुविजं खंधारमाणं णगरमाणं वत्थुणिवेसणं वूहं पडिवूहं चारं पडिचारं चकवूहं गरुलवूहं सगडवूहं जुद्धं णिजुद्धं जुद्धाइजुद्धं मुट्ठिजुद्धं बाहुजुद्धं लयाजुद्धं इसत्थं छरुप्पवाहं धणुव्वेयं हिरण्णपागं सुवण्णपागं वट्टखेड्डं सुत्तखेड्डं णालियाखेड्डे पत्तच्छे जं कडवच्छेजं सजीवं णिजीवं सउणरुयमिति बावत्तरिकलाओ सेहावित्ता सिक्खावेत्ता अम्मापिईणं उवणेहिइ। तए णं तस्स दढपइण्णस्स दारगस्स अम्मापियरो त कलायरियं विउलेणं असणपाणखाइमसाइमेणं वत्थगंधमल्लालंकारेण य सकारेहिंति सम्माणेहिंति स० 2 त्ता विउलं जीवियारिहं पीइदाणं दलइस्सइ २त्ता पडिविसजेहिंति / तए णं से दढपइण्णे दारए बावत्तरिकलापंडिए णवंगसुत्तपडिबोहिए अहारसदेसीभासाविसारए गीयरई गंधव्वणदृकुसले हयजोही गयजोही रहजोही बाहुजोही बाहुप्पमद्दी वियालचारी साहसिए अलं भोगसमत्थे यावि भविस्सइ।तए णं दढपइण्णं दारगं अम्मापियरो बावत्तरिकलापंडियं जाव अलं भोगसमत्थं वियाणित्ता विउलेहिं अण्णभोगेहिं पाणभोगेहिं लेणभोगेहिं वत्थभोगेहिं सयणभोगेहिं कामभोगेहिं उवणिमंतेहिंति, तए णं से दढपइण्णे दारए तेहिं विउलेहिं अण्णभोगेहिं जावं सयणभोगेहिं णो सजिहिइ णो रजिहिइ णो गिज्झिहिइ णो मुज्झिहिइ णो अज्झोववजिहिइ, से जहाणामए उप्पले इ वा पउमे इ वा कुसुमे इ वा णलिणे इ वा सुभगे इ वा सुगंधे इ वा पोंडरीए इ वा महापोंडरीए इ वा सयपत्ते इ वा सहस्सपत्ते इ वा सयसहस्सपत्ते इ वा पंके जाए जले संवुड्ढे णोवलिप्पइ पंकरएणं णोवलिप्पइ जलरएणं,एवमेव दढपइण्णेवि दारए कामेहिं जाए भोगेहिं संवुड्ढे णोवलिप्पिहिइ कामरएणं णोवलिप्पिहिइ भोगरएणं णोवलिप्पिहिइ मित्तणाइणियगसयणसंबंधिपरिजणेणं, से णं तहारूवाणं थेराणं अंतिए केवलं बोहिं बुज्झिहिइ केवलबोहिं बुज्झित्ता अगाराओ अणगारियं पव्वइहिइ / से णं भविस्सइ अणगारे भगवंते ईरियासमिए जाव गुत्तबंभयारी / तस्स णं भगवंतस्स एएणं विहारेणं विहरमाणस्स अणंते अणुत्तरे णिव्वाघाए णिरावरणे कसिणे. पडिपुण्णे केवलवरणाणदंसणे समुप्पजिहिइ / तए णं से दढपइण्णे केवली बहूई वासाइं केवलिपरि
