________________ 30 __अनंगपविट्ठसुत्ताणि रूवेणं विहारेणं विहरमाणीओ बहूई वासाइं सेसं तं चेव जाव चउसलिं वाससहस्साइं ठिई पण्णत्ता८। से जे इमे गामागरणयरणिगमरायहाणिखेडकब्बडमडंबदोणमुहपट्टणासमसंबाहसण्णिवेसेसु मणुया भवंति, तंजहा–दगबिइया दगतइया दगसत्तमा दगएक्कारसमा गोयमा गोव्वइया गिहिधम्मा धम्मचिंतगा अविरुद्धविरुद्धवुड्ढसावगप्पभियओ तेसिं मणुयाणं णो कप्पइ इमाओ णव रसविगईओ आहारित्तए, तंजहाखीरं दहिं णवणीयं सप्पिं तेलं फाणियं महुं मजं मंसं, णण्णत्थ एकाए सरिसवविगईए, ते णं मणुया अप्पिच्छा तं चेव सव्वं णवरं चउरासीइवाससहस्साई ठिई पण्णत्ता 9 / से जे इमे गंगाकूलगा वाणपत्था तावसा भवंति, तंजहा-होत्तिया पोत्तिया कोत्तिया जण्णई सड्ढई थालई हुंपउहा.दंतुक्खलिया उम्मजगा सम्मजगा णिम्मजगा संपखाला दक्षिणकूलगा उत्तरकूलगा संखधमगा कूलधमग्रा मिगलुद्धगा हत्थितावसा उदंडगा दिसापोक्खिणो वाकवासिणो अंबुवासिणो बिलवासिणो जलवासिणो वेलबासिणो रुक्खमूलिया अंबुभक्खिणो वाउभक्खिणो सेवालभक्खिणो मूलाहारा कंदाहारा तयाहारा पत्ताहारा पुष्फाहारा बीयाहारा परिसडियकंदमूलतयपत्तपुष्फफलाहाराबलाभिसेयकढिणगायभूया आयावणाहिँ पंचम्गितावेहिं इंगालसोल्लियं कंडुसोल्लियं कहसोल्लियंपिव अप्पाणं करेमाणा बहूई वासाई परियायं पांउणंति बहूई वासाई परियायं पाउणित्ता कालमासे कालं किच्चा उक्कोसेणं जोइसिएसु देवेसु देवत्ताए उववतारो भवंति, पलिओवमं वाससयसहस्समब्भहियं ठिई, सेसं तं चेव आराहगा ? णो इणठे समढे 10 / से जे इमे जाव सण्णिवेसेसु पव्वइया समणा भवंति, तंजहाकंदप्पिया कुक्कुइया मोहरिया गीयरइप्पिया णचणसीला ते णं एएणं विहारेणं विहरमाणा बहूई वासाइं सामण्णपरियायं पाउणंति 2 त्ता तस्स ठाणस्स अणालोइयअप्पडिकंता कालमासे कालं किच्चा उक्कोसेणं सोहम्मे कप्पे कंदप्पिएसु देवेसु देवत्ताए उववत्तारो भवंति, तहिं तेसिं गई तहिं तेसिं ठिई, सेसं तं चेव, गवरं पलिओवमं वाससहस्समभहियं ठिई 11 / से जे इमे जाव सण्णिवेसेसु परिव्वायगा भवंति, तंजहासंखा जोई कविला भिउच्चा हंसा परमहंसा बहुउदया कुडिव्वया कण्हपरिव्वायगा, तत्थ खलु इमे अह माहणपरिव्वायगा भवंति, तंजहा कण्हे य करकंडे य, अंबड़े य परासरे / कण्हे दीवायणे चेव, देवगुत्ते य णारए॥१॥ तत्थ खलु इमे अह खत्तियपरिव्वायया भवंति, तंजहा-सीलई ससिहारे(य),णग्गई भग्गई इ य.। विदेहे रायाराया रायारामे बलेइ य // 1 // ते णं परिव्वायगा रिउन्वेयजजुव्वेयसामवेयअहव्वणवेयइतिहासपंचमाणं णिग्घंटुछडाणं संगोवंगाणं सरहस्साणं चउण्हं वेयाणं सारगा पारगा
