________________ ओववाइयसुत्तं धारगा वारंगा सडंगवी सट्टितविसारया संखाणे सिक्खाकप्पे वागरणे छंदे णिरुत्ते जोइसामयणे अण्णेसु य बंभण्णएसु य सत्थेसु सुपरिणिट्ठिया यावि हुत्था / ते णं परिव्वायगा दाणधम्मं च सोयधम्मं च तित्थाभिसेयं च आघवेमाणा पण्णवेमाणा परूमाणा विहरंति, जण्णं अम्हे किंचि असुई भवइ तण्णं उदएण य मट्टियाए य पक्वालियं सुई भवइ, एवं खलु अम्हे चोक्खा चोक्खायारा सुई सुइसमायारा भवेत्ता अभिसेयजलपूयप्पाणो अविग्येण सग्गं गमिस्सामो, तेसि णं परिव्वायगाणं णो कप्पह अगडं वा तलायं वा णइं वा वाविं वा पुक्खरिणिं वा दीहियं वा गुंजालियं वा सरं वा सागरं वा ओगाहित्तए, णण्णत्थ अद्धाणगमणे, णो कप्पइ सगडं वा जाव संदमाणियं वा दुरुहित्ता णं गच्छित्तए, तेसि णं परिव्वायगाणं णो कप्पइ आसं वा हत्यि वा उटं वा गोणिं वा महिसं वा खरं वा दुरुहित्ता णं गमित्तए, तेसि णं परिव्वायगाणं णो कप्पइ णडपेच्छा इ वा जाव मागहपेच्छा इ वा पेच्छित्तए, तेसिं परिव्वायगाणं णो कम्पइ हरियाणं लेसणया वा घट्टणया वा थंभणया वा लूसणया वा उप्पाडणया वा करित्तए, तेसिं परिव्वायगाणं णो कप्पई इथिकहा इ वा भत्तकहा इवा देसकहा इ वा रायकहा इ वा चोरकहा इ वा (जणवयकहा इ वा) अणत्थदंडं करित्तए, तेसि णं णो कप्पइ अयपायाणि वा तउयपाणि वा तंबपायाणि वा जसदपायाणि वा सीसगपायाणि वा रुप्पपायाणि वा सुवण्णपायाणि वा अण्णयराणि वा बहुमुल्लाणि धारित्तए, णण्णत्थ लाउपाएण वा दारुपाएण वा मट्टियापाएण वा, तेसि णं परिवायगाणं णो कप्पइ अयबंधणाणि वा तउयबंधणाणि वा तंबबंधणाणि जाव बहुमुलाणि धारित्तए, तेसि णं परिव्वायगाणं णो कप्पइ णाणाविहवण्णरागरत्ताई वत्थाई धारित्तए, णण्णत्थ एकाए धाउरत्ताए तेसि णं परिव्वायगाणं णो कप्पइ हारं वा अद्धहारं वा एगावलिं वा मुत्तांवलिं वा कणगावलिं वा रयणावलिं वा मुरविं वा कंठमुरवि वा पालंबं वा तिसरयं वा कडिसुत्तं वा दसमुद्दियाणंतगं वा कडयाणि वा तुडियाणि वा अंगयाणि वा केऊराणि वा कुंडलाणि वा मउडं वा चूलामणिं वा पिणद्धित्तए, णण्णत्थ एगेणं तंबिएणं पवित्तएणं, तेसि णं परिव्वायगाणं णो कप्पद गंथिमवेढिमपूरिमसंघाइमे चउविहे मल्ले धारित्तए, णण्णत्थ एगेणं कण्णपूरेणं, तेसि णं परिव्वायगाणं णो कप्पइ अगलुएण वा चंदणेण वा कुंकुमेण वा गायं अणुलिंपित्तए, णण्णत्थ एक्काए गंगामट्टियाए, तेसि णं (परिव्वायगाणं) कप्पइ मागहए पत्थए जलस्स पडिगाहित्तए, सेऽविय वहमाणे णो चेव णं अवहमाणे, सेऽविय थिमिओदए णो चेव णं कद्दमोदए, सेऽविय बहुपसण्णे णो चेव णं अबहुपसण्णे,
