________________ पण्णवणासुत्तं प० 2 343 साणं साणं सामाणियसाहस्सीणं, साणं साणं तायत्तीसाणं, साणं साणं लोगपालाणं, साणं साणं अग्गमहिसीणं, साणं साणं परिसाणं, साणं साणं अणियाणं, साणं साणं अणियाहिवईणं, साणं साणं आयरक्खदेवसाहस्सीणं, अण्णेसिं च बहूणं भवणवासीणं देवाण य देवीण य आहेवच्चं पोरेवच्चं सामित्तं भट्टित्तं महत्तरगत्तं आणाईसरसेणावच्चं कारेमाणा,पालेमाणा,महया हयणट्ट-गीय-वाइयतंति-तलतालतुडिय-घणमुइंगपडुप्पवाइयरवेणं दिव्वाई भोगभोगाई भुंजमाणा विहरति // 106 // कहि णं भंते ! असुरकुमाराणं देवाणं पजत्तापजत्ताणं ठाणा पण्णत्ता ? कहि णं भंते ! असुरकुमारा देवा परिवसंति ? गोयमा ! इमीसे रयणप्पभाए पुढवीए असीउत्तरजोयणसयसहस्सबाहल्लाए उवरि एग जोयणसहस्सं ओगाहित्ता हेट्टा चेगं जोयणसहस्सं वजित्ता मज्झे अट्ठहत्तरे जोयणसयसहस्से एत्थ णं असुरकुमाराणं देवाणं चउसद्धिं भवणावाससयसहस्सा भवंतीति मक्खायं / ते णं भवणा बाहिं वट्टा, अंतो चउरंसा, अहे पुक्खरकण्णियासंठाणसंठिया, उक्किण्णंतरविउल-गंभीरखायफलिहा, पागारद्यालयकवाड-तोरणपडिदुवारदेसभागा, जंतसयग्घि-मुसल-मुसंढिपरियारिया, अउज्झा,सयाजया, सयागुत्ता, अडयालकोटगरइया, अडयालकयवणमाला, खेमा, सिवा, किकरा. मरदंडोवरक्खिया, लाउल्लोइयमहिया, गोसीस-सरसरत्तचंदणदद्दरदिण्णपंचंगलितला, उवचियचंदणकलसा, चंदणघडसुकयतोरणपडिदुवारदेसभागा, आसत्तोसत्तविउलवट्टवग्धारियमल्लदामकलावा, पंचवण्णसरससुरभिमुक्कपुप्फपुंजोवयारकलिया, कालागरुपवरकुंदुरुक्कतुरुक्कडझंतधूवमघमघंतगंधुधुयाभिरामा, सुगंधवरगंधिया, गंधवट्टिभूया, अच्छरमणसंघसंविगिण्णा, दिव्वतुडियसद्दसंपणइया, सव्वरयणामया, अच्छा, सण्डा, लण्हा, घट्ठा, मट्ठा, णीरया, णिम्मला, णिप्पंका, णिकंकडच्छाया, सप्पभा, सस्सिरीया, समरीइया, सउज्जोया, पासाईया, दरिसणिजा, अभिरुवा, पडिरूवा; एत्थ णं असुरकुमाराणं देवाणं पजत्तापजत्ताणं ठाणा पण्णत्ता। उववाएणं लोयस्स असंखेजइभागे, समुग्घाएणं लोयस्स असंखेजइभागे, सट्ठाणेणं लोयस्स असंखेजइभागे, तत्थ णं बहवे असुरकुमारा देवा परिवसंति / काला, लोहियक्खबिंबोट्टा, धवलपुष्पदंता, असियकेसा, वामेयकुंडलधरा, अद्दचंदणाणुलित्तगत्ता, ईसी सिलिंधपुष्फप्पगासाइं असंकिलिट्टाई सुहुमाइं वत्थाई पवरपरिहिया, वयं च पढमं समइक्वंताबिइयं च वयं असंपत्ता, भद्दे जोव्वणे वट्टमाणा, तलभंगय-तुडियपवरभूसण-णिम्मल, मणिरयणमंडियभुया, दसमुद्दामंडियग्गहत्था, चूडामणिविचित्तचिंधगया, सुरूवा,
