________________ अनंगपविट्ठसुत्ताणि महिड्डिया, महज्जुइया, महायसा, महब्बला, महाणुभागा, महासोक्खा, हारविराइयवच्छा, कडय-तुडियथंभियभुया, अंगय-कुंडलमट्टगंडयलकण्ण,पीढधारी,विचित्तहत्थाभरणा, विचित्तमालामउलिमउडा, कल्लाणगपवरवत्थपरिहिया, कल्लाणगपवरमल्लाणुलेवणधरा भासुरबोंदी पलंबवणमालधरा दिव्वेणं वण्णेणं दिव्वेणं गंधेणं दिव्वेणं फासेणं दिव्वेणं संघयणेणं दिव्वेणं संठाणेणं दिव्वाए इड्ढीएं दिव्वाए जुईए दिव्वाए पभाए दिवाए छायाए दिव्वाए अच्चीए दिव्वेणं तेएणं दिव्वाए लेसाए दस दिसाओ उजोवेमाणा पभासेमाणा, तेणं तत्थ साणं 2 भवणावाससयसहस्साणं साणं साणं सामाणियसाहस्सीणं साणं साणं तायत्तीसाणं साणं साणं लोगपालाणं साणं साणं अग्गमहिसीणं साणं साणं परिसाणं साणं साणं अणियाणं साणं साणं अणियाहिवईणं साणं साणं आयरक्खदेवसाहस्सीणं अण्णेसिं च बहूणं भवणवासीणं देवाण य देवीण य आहे. वच्चं पोरेवच्चं सामित्तं भट्टित्तं महत्तरगत्तं आणाईसरसेणावच्च कारेमाणा, पालेमाणा, महया हयणगीय-वाइयतंती-तलतालतुडियघण-मुइंगपडुप्पवाइयरवेणं दिव्वाई भोगभोगाइं भुंजमाणा विहरंति / चमरबलिणो इत्थ दुवे असुरकुमारिंदा असुरकुमाररायाणो परिवसति / काला, महाणीलसरिसा, णीलगुलियगवलअयसिकुसुमप्पगासा, वियसियसयवत्तणिम्मलई सिसियरत्ततंबणयणा, गरुलाययउज्जुतुंगणासा,उवचियसिलप्पवालबिंबफलसंणिभाहरोहा, पंडुरससिसगलविमल-णिम्मलदहिघण-संखगोक्खीरकुंददगरयमुणालियाधवलदंतसेढी,हुयवहणिद्धंतधोयतत्ततवणिजरत्ततलतालुजी हा, अंजणघणकसिणगरुयगरमणिजणिद्धकेसा वामेयकुंडलघरा अद्दचंदणाणुलित्तगत्ता ईसीसिलिंधपुप्फ पगासाइं असंकिलिट्ठाई सुहुमाइं वत्थाई पवरपरिहिया, वयं च पढमं समइकंता, बिइयं च असंपत्ता, भद्दे जोव्वणे वट्टमाणा, तलभंगय-तुडिय-पवरभूसणणिम्मलमणि-रयणमंडियभुया, दसमुद्दामंडियग्गहत्था,चूडामणिचित्तचिंधगया,सुरूवा, महिड्ढिया, महज्जुईया, महायसा, महाबला, महाणुभागा, महासोक्खा, हारविरा. इयवच्छा, कडयतुडियथंभियभुया, अंगद-कुंडल-मट्टगंडतलकण्णपीढधारी, विचित्तहत्थाभरणा, विचित्तमालामउलिमउडा, कल्लाणगपवरवत्थपरिहिया, कल्लाणगपवरमल्लाणुलेवणधरा, भासुरबोंदी, पलंबवणमालधरा, दिव्वेणं वणेणं, 'दिव्वेणं गंधेणं, दिव्वेणं फासेणं, दिव्वेणं संघयणेणं, दिव्वेणं संठाणेणं, दिव्वाए इड्ढीए, दिव्वाए जुईए, 'दिव्वाए पभाए, दिव्वाए छायाए, दिव्वाए अच्चीए, दिव्वेणं तेएणं, दिव्वाए लेसाए दस दिसाओ उजोवेमाणा, पभासेमाणा, ते णं तत्थ साणं साणं
