________________ 342 अनंगपविट्ठसुत्ताणि लोयस्स असंखेजइभागे // 105 // कहि णं भंते ! भवणवासीणं देवाणं पजत्तापजत्ताणं ठाणा पण्णत्ता ? कहि णं भंते ! भवणवासी देवा परिवसंति ? गोयमा ! इमीसे रयणप्पभाए पुढवीए असीउत्तरजोयणसयसहस्सबाहल्लाए उरि एगं जोयणसहस्सं ओगाहित्ता हेट्ठा चेगं जोयणसहस्सं वजित्ता मज्झे अट्ठहुत्तरे जोयणसयसहस्से एत्थ णं भवणवासीणं देवाणं सत्त भवणकोडीओ बावत्तरि भवणावाससयसहस्सा भवंतीति मक्खायं / ते णं भवणा बाहिं वट्टा, अंतो चउरंसा, अहे पुक्खरकणियासंठाणसंठिया, उक्किण्णंतरविउलगंभीरखायफलिहा, पागारट्टालयकवाड. तोरणपडिदुवारदेसभागा, जंत-सयम्धि-मुसल-मुसंढि-परियारिया, अउज्झा, सयाजया, सयागुत्ता, अडयालकोटगरइया, अडयालकंयवणमाला, खेमा, सिवा, किंकरामरदंडोवरक्खिया, लाउल्लोइयमहिया,गोसीससरसरत्तचंदणदद्दरदिण्णपंचंगुलितला,उवचियचंदणकलसा, चंदणघडसुकयतोरणपडिदुवारदेसभागा, आसत्तोसत्तविउलवट्टवन्धारियमल्लदामकलावा, पंचवण्णसरससुरभिमुक्कपुप्फपुंजोवयारकलिंया, कालागरूपवरकुंदुरुक्कतुरुक्कधूवमघमघंतगंधुढयाभिरामा,सुगंधवरगंधिया, गंधवटिभूया, अच्छरगणसंघसंविगिण्णा, दिव्वतुडियसद्दसंपणइया, सव्वरयणामया, अच्छा, सण्हा, लण्हा, घट्टा, मट्ठा, णीरया, णिम्मला, णिप्पंका, णिकंकडच्छाया, सप्पहा, सस्सिरीया, समरीइया, सउजोया, पासाईया, दरिसणिजा, अभिरुवा, पडिरूवा / एत्थ णं भवणवासिदेवाणं पजत्तापजत्ताणं ठाणा पण्णत्ता / उववाएणं लोयस्स असंखेजहभागे, समुन्घाएणं लोयस्स असंखेजइभागे, सट्ठाणेणं लोयस्स असंखेजइभागे / तत्थ णं बहवे भवणवासी देवा परिवसंति / तंजहा-असुरा णाग सुवण्णा विज्जू अग्गी य दीव उदही य। दिसिपवणथणियणामा दसहा एए भवणवासी // चूडामणिमउडरयणाभूसणणागफडगरुलवइरपुण्णकलसंकिउप्फेसा, सीह-हयवर-गयंकमगरवरवद्धमाणणिज्जुत्तचित्तचिंधगया, सुरूवा, महिड्ढिया, महज्जुइया, महब्बला, महायसा, महाणुभावा, महासोक्खा, हारविराइयवच्छा, कडगतुडियर्थभियभुया, अंगद-कुंडल-मट्ठगंडतलकण्णपीढधारी, विचित्तहत्थाभरणा, विचित्तमाला-मउलिमउडा, कल्लाणगपवरवत्थपरिहिया, कल्लाणगपवरमल्लाणुलेवणधरा, भासुरबोंदी, पलंबवणमालधरा, दिव्वेणं वण्णेणं दिव्वेणं गंधेणं दिव्वेणं फासेणं दिव्वेणं संघयणेणं दिव्वेणं संठाणेणं दिव्वाए इड्ढीए दिव्वाए जुईए दिव्वाए पभाए दिव्वाए छायाए दिव्वाए अच्चीए दिव्वेणं तेएणं दिव्वाए लेसाए दस दिसाओ उज्जोवेमाणा पभासेमाणा, ते णं तत्थ साणं साणं भवणावाससयसहस्साणं,
