________________ पण्णवणासुत्तं प० 2 341 अद्धतेवणं जोयणसहस्साई वजित्ता मज्झे तीसु जोयणसहस्सेसु एत्थ णं तमतमा पुढवीणेरइयाणं पजत्तापजत्ताणं पंचदिसि पंच अणुत्तरा महइमहालया महाणिरया पण्णत्ता / तंजहा-काले महाकाले रोरुए महारोरुए अपइट्ठाणे / तेणं गरगा अंतो वट्टा, बाहिं चउरंसा, अहे खुरप्पसंठाणसंठिया, णिच्चंधयारतमसा, ववगयरहचंदसूरणक्खत्तजोइसियप्पहा, मेदवसा-पूयपडल-रुहिरमसचिविखल्ललित्ताणुलेवणतला, असुई| वीसा], परमदुन्भिगंधा, कक्खडफासा, दुरहियासा, असुभा गरगा, असुभा गरगेसु वेयणाओ, एत्थ णं तमतमापुढवीणेरइयाणं पजत्तापजत्ताणं ठाणा पण्णत्ता। उववाएणं लोयस्स असंखेजइभागे, समुग्धाएणं लोयस्स असंखेजइभागे, सट्टाणेणं लोयस्स असंखेजहभागे / तत्थ णं बहवे तमतमापुढवीणेरइया परिवसंति / काला कालोभासा गंभीरलोमहरिसा भीमा उत्तासणया परमकिण्हा वण्णेणं पण्णत्ता समणाउसो ! ते णं तत्थ णिच्च भीया, णिच्च तत्था, णिच्च तसिया, णिच्च उव्विग्गा, णिच्चं परममसुहसंबद्धं णरगभयं पच्चणुभवमाणा विहरंति / आसीयं बत्तीसं अट्ठावीसं च हुंति वीसं च / अट्ठारससोलसगं अठुत्तरमेव हिट्ठिमिया // 1 // अठुत्तरं च तीसं छन्वीसं चेव सयसहस्सं तु / अट्ठारस. सोलसगं चउद्दसमहियं तु छट्ठीए // 2 // अद्धतिवण्णसहस्सा उवरिमहे वजिऊण तो भणियं / मज्झे तिसहस्सेसुं होति उ गरगा तमतमाए ॥३॥तीसा य पण्णवीसा पण्णरस दसेव सयसहस्साई / तिण्णि य पंचूणेगं पंचेव अणुत्तरा णरगा // 4 // 103 / / कहि णं भंते ! पंचिंदियतिरिक्खजोणियाणं पजत्तापजत्तगाणं ठाणा पण्णत्ता 1 गोयमा ! उड्ढलोए तदेकदेसभाए, अहोलोए तदेकदेसभाए, तिरियलोए अगडेसु, तलाएसु, णईसु, दहेसु, वावीसु, पुक्खरिणीसु दीहियासु, गुंजालियासु, सरेसु, सरपंतियासु, सरसरपंतियासु, बिलेसु, बिलपंतियासु, उज्झरेसु, णिज्झरेसु, चिल्ललेसु, पल्ललेसु, वप्पिणेसु, दीवेसु, समुद्देसु, सव्वेसु चेव जलासएसु, जलठाणेसु, एत्थ ण पंचिंदियतिरिक्खजोणियाणं पजत्तापबत्तगाणं ठाणा पण्णत्ता / उववाएणं लोयस्स असंखेजइभागे, समुग्धाएणं सव्वलोयस्स असंखेजइभागे, सट्ठाणेणं सव्वलोयस्स असंखेजइभागे // 104 // कहि णं भंते ! मणुस्साणं पजत्तापजत्ताणं ठाणा पण्णत्ता 1 गोयमा ! अंतो मणुस्सखेत्ते पणयालीसाए जोयणसयसहस्सेसु, अड्ढाइजेसु, दीवसमुद्देसु, पण्णरससु कम्मभूमीसु, तीसाए अकम्मभूमीसु, छप्पण्णाए अंतरदीवेसु, एत्थ णं मणुस्साणं पजत्तापजत्ताणं ठाणा पण्णत्ता / उववाएणं लोयस्स असंखेजइभागे, समुग्धाएणं सव्वलोए, सट्ठाणेणं
