________________ 340 अनंगपविट्ठसुत्ताणि ल्लाए उवरि एग जोयणसहस्सं ओगाहित्ता हेट्ठा चेगं जोयणसहस्सं वजित्ता मज्झे सोलसुत्तरे जोयणसयसहस्से एत्थ णं धूमप्पभापुढवीणेरइयाणं तिणि णिरयावाससयसहस्सा भवंतीति मक्खायं / ते ण णरगा अंतो वट्टा, बाहिं चउरंसा, अहे खुरप्पसंठाणसंठिया, णिच्चंधयारतमसा, ववगयगह-चंद सूर-णक्खत्तजोइसियप्पहा, मेद-वसा-पूयपडल-रुहिर-मंसचिक्खिललित्ताणुलेवणतला, असुई [वीसा], परमदुब्भिगंधा, काउअगणिवण्णाभा, कक्खडफासा, दुरहियासा, असुभा णरगा, असुभा णरगेसु, वेयणाओ, एत्थ णं धूमप्पभापुढवीणेरइयाणं पजत्तापजत्ताणं टाणा पण्णत्ता / उववाएणं लोयस्स असंखेजइभागे, समुग्घाएणं लोयस्स असंखेजइभागे, सट्ठाणेणं लोयस्स असंखेजहभागे / तत्थ णं बहवे धूमप्पभापुढवीणेरइया परिवसंति / काला कालोभासा गंभीरलोमहरिसा भीमा उत्तासणगा परमकिण्हावण्णेणं पण्णत्ता समणाउसो!। ते णं तत्थ णिच्चं भीया, णिच्चं तत्था, णिच्चं तसिया, णिच्चं उव्विग्गा, णिच्चं परममसुहसंबद्धं णरगभयं पञ्चणुभवमाणा विहरंति // 101 // कहि णं भंते ! तमापुढवीणेरइयाणं पजत्तापजत्ताणं ठाणा पण्णत्ता ? कहि णं भंते ! तमापुढवीणेरइया परिवसंति ?, गोयमा ! तमाए पुढवीए सोलसुत्तरजोयणसयसहस्सबाहल्लाए उपरि एग जोयणसहस्सं ओगाहित्ता हिट्ठा चेगं जोयणसहस्सं वजित्ता मझे चउदसुत्तरे जोयणसयसहस्से एत्थ णं तमप्पभापुढवीणेरइयाणं एगे पंचूणे णरगावाससयसहस्से भवतीति मक्खायं / ते णं णरगा अंतो वट्टा, बाहिँ चउरंसा, अहे खुरप्पसंठाणसंठिया, णिच्चंधयारतमसा ववगयगहचंदसूरणक्खत्तजोइसियप्पहा, मेदवसापूयपडलरुहिर-मंसचिक्खिल्ललित्ताणुलेवणतला, असुईवीसा,परमदुब्भिगंधा, कवखडफासा, दुरहियासा, असुभा णरगा, असुभा णरगेसु वेयणाओ, एत्थ णं तमापुढवीणेरइयाणं पजत्तापजत्ताणं ठाणा पण्णत्ता। उववाएणं लोयस्स असंखेजड़भागे समुग्घाएणं लोयस्स असंखेजइभागे, सट्ठाणेणं लोयस्स असंखेजइभागे / तत्थ णं बहवे तमप्पभापुढवीणेरइया परिवसंति / काला कालोभासा गंभीरलोमहरिसा भीमा उत्तासणगा परमकिण्हा वण्णेणं पण्णत्ता समणाउसो!। ते णं तत्थ णिच्च भीया, णिच्चं तत्था, णिच्च तसिया, गिच्च उद्विग्गा, णिच्च परममसुहसंबद्धं णरगभयं पच्चणुभक्माणा विहरंति // 102 // कहि णं भंते ! तमतमापुढवीणेरइयाणं पजत्तापजत्ताणं ठाणा पण्णता? कहि णं भंते ! तमतमापुढवीणेरइया परिवसंति ? गोयमा! तमतमाएं पुढवीए अट्ठोत्तरजोयणसयसहस्सबाहल्लाए उवरि अद्धतेवण्णं जोयणसहस्साइं ओगाहित्ता ट्ठिा वि
