________________ पण्णवणासुत्तं प० 2 336 बाहल्लाए उवरि एगं जोयणसहस्सं ओगाहित्ता हेट्ठा चेगं जोयणसहस्सं वजित्ता मज्झे छव्वीसुत्तरजोयणसयसहस्से एत्थ णं वालुयप्पभापुढवीणेरड्याणं पण्णरसणरयावाससयसहस्सा भवंतीति मक्खायं / ते णं णरगा अंतो वट्टा, बाहिं चउरंसा, अहे खुरप्पसंठाणसंठिया, णिच्चंधयारतमसा, ववगयगह-चंद-सूर-णक्खत्तजोइसियप्पहा, मेदवसा-पूयपडल-रुहिरमंसचिक्खिल्ललित्ताणुलेवणतला, असुई[वीसा], परमदुब्भिगंधा, काउअगणिवण्णाभा, कक्खडफासा, दुरहियासा, असुभा णरगा, असुभा णरगेसु वेयणाओ / एत्थ णं वालुयप्पभापुढवीणेरइयाणं पजत्तापजत्ताणं ठाणा पण्णत्ता। उववाएणं लोयस्स असंखेजइभागे, समुग्धाएणं लोयस्स असंखेजहभागे, सट्ठाणेणं लोयस्स असंखेजइभागे। तत्थ णं बहवे वालुयप्पभापुढवीणेरइया परिवसति / काला, कालोभासा, गंभीरलोमहरिसा, भीमा, उत्तासणगा, परमकिण्हा वण्णेणं पण्णत्ता समणाउसो ! / ते णं तत्थ णिच्चं भीया, णिच्चं तत्था, णिच्च तसिया, णिच्चं उव्विग्गा,णिच्चं परममसुहसंबद्धं गरगभयं पच्चणुभवमाणा विहरंति / 99 / कहिणं भंते ! पंकप्पभापुढवीणेरइयाणं पजत्तापजत्ताणं ठाणा पण्णत्ता ? क हि णं भंते ! पंक.प्पभापुढवीणेरइया परिवसंति ? गोयमा ! पंकप्पभापुढवीए वीसुत्तरजोयणसयसहस्सबाहल्लाए उवरि एगं जोयणसहस्सं ओगाहित्ता हिट्ठा चेगं जोयणसहस्सं वज्जित्ता मज्झे अट्ठारसुत्तरे जोयणसयसहस्से एत्थ णं पंकप्पभापुढवीणरइयाणं दस णिरयावाससयसहस्सा भवंतीति मक्खायं / ते णं णरगा अंतो वट्टा, बाहिं चउरंसा, अहे खुरप्पसंठाणसंठिया, णिच्चधयारतमसा, ववगयगह-चंद-सूर-णखत्तजोइसियप्पहा, मेदवसापूयपडलरुहिर-मंसचिक्खिल्ललित्ताणुलेवणतला, असुई[वीसा],परमदुभिगंधा, काउअगणिवण्णाभा, कक्खडफासा, दुरहियासा, असुभा णरगा, असुभा गरगेसु वेयणाओ, एत्थ णं पंकप्पभापुढवीणेरइयाणं पजत्तापजत्ताणं ठाणा पण्णत्ता / उववाएणं लोयस्स असंखेजइभागे, समुन्धाएणं लोयस्स असंखेजइभागे, सट्टाणेणं लोयरस असंखेज्जइभागे / तत्थ णं बहवे पंकप्पभापुढवीणेरइया परिवसति / काला कालोभासा गंभीरलोमहरिसा भीमा उत्तासणगा परमकिण्हा वण्णेणं पण्णत्ता समणाउसो!। ते णं तत्थ णिच्चं भीया, णिच्चं तत्था, णिच्चं तसिया, णिच्चं उब्विग्गा, णिच्चं परमंमसुहसंबद्धं णरगभयं पञ्चणुभवमाणा विहरंति // 100 // कहि णं भंते ! धूमप्पभापुढवीणेरइयाणं पजत्तापजत्ताणं ठाणा पण्णत्ता ? कहि णं भंते ! धूमप्पभापुढवीणेरइया परिवसंति ? गोयमा ! धूमप्पभापुढवीए अट्ठारसुत्तरजोयणसयसहस्सबाह.
