________________ पण्णवणासुत्तं प० 2 337 ठाणा पणत्ता ? गोयमा ! उड्ढलोए तदेकदेसभागे, अहोलोए तदेकदेसभागे, तिरियलोए अगडेसु, तलाएसु, णईसु, दहेसु, वावीसु, पुक्खरिणीसु, दीहियासु, गुंजालियासु, सरेसु, सरपंतियासु, सरसरपंतियासु, बिलेसु, बिलपंतियासु, उज्झरेसु, णिज्झरेसु, चिल्ललेसु, पल्ललेसु, वर्णिपणेसु, दीवेसु, समुद्देसु सव्वेसु, चेव जलासएसु, जलठाणेसु, एत्थ णं चउरिंदियाणं पजत्तापजत्ताणं ठाणा पण्णता / उववाएणं लोयस्स असंखेजइभागे, समुग्घाएणं लोयस्स असंखेजइभागे, सट्टाणेणं लोयस्स असंखेजइभागे // 94 // कहि णं भंते ! पंचिंदियाणं पजत्तापजत्तगाणं ठाणा पण्णत्ता ? गोयमा ! उड्ढलोए तदेकदेसभाए, अहोलोए तदेव देसभाए, तिरियलोए अगडेसु, तलाएसु, णईसु, दहेसु, वावीसु, पुक्खरिणीसु, दीहियासु, गुंजालियासु, सरेसु, सरपंतियासु, सरसरपंतियासु, बिलेसु, बिलपंतियासु, उज्झरेसु, णिज्झरेसु, चिल्ललेसु, पल्ललेसु, वप्पिणेसु, दीवेसु, समुद्देसु, सव्वेसु, चेव जलासएसु, जलठाणेसु, एत्थ णं पंचिंदियाणं पजत्तापजत्तगाणं ठाणा पण्णत्ता / उववाएणं लोयस्स असंखे. जइभागे, समुग्घाएणं लोयस्स असंखेजइभागे, सट्टाणेणं लोयस्स असंखेजइभागे / / 95 // कहि णं भंते ! णेरइयाणं पजत्तापजत्ताणं ठाणा पण्णत्ता ? व हि णं भंते ! णेरइया परिवसंति ?, गोयमा ! सट्टाणेणं सत्तसु, पुढवीसु, तंजहा-रयणप्पभाए, सक्करप्पभाए, वालुयप्पभाए, पंकप्पभाए, धूमप्पभाए, तमप्पभाए, तमतम पभाए, एत्थ णं णेरइयाणं चउरासीइणिरयावाससयसहस्सा भवंतीति मक्खायं / ते णं णरगा अंतो वट्टा, बाहिं चउरंसा, अहे खुरप्पसंठाणसंठिया, णिच्चधयारतमसा, ववगयगहचंदसूरणक्खत्तजोइसियापहा,मेदवसापूयपडलरुहिर-मसचिविखल्लित्ताणुलेवणतला, असुई(वीसा) परमदुन्भिगंधा काउअगणिवण्णाभा कक्खडफासा दुरहियासा असुभा णरगा, असुभा णरगेसु, वेयणाओ, एत्थ णं णेरइयाणं पजत्तापजत्तगाणं ठाणा पण्णत्ता / उववाएणं लोयस्स असंखेजहभागे, समुग्घाएणं लोयम्स अखेजहभागे, सट्टाणेणं लोयस्स असंखेजइभागे, एत्थ णं बहवे णेरइया परिवसंति / काला, कालोभासा, गंभीरलोमहरिसा, भीमा, उत्तासणगा, परमकिण्हा वण्णेणं पण्णत्ता समणाउसो! 1 ते णं तत्थ णिच्चं भीया. णिच्चं तत्था, णिच्च तसिया, णिच्च उद्विग्गा, णिच्चं परममसुहसंबद्धं णरगभयं पच्चणुभवमाणा विहरंति // 96 // कहि णं भंते ! रयणप्पभापुढवीणेरइयाणं पजत्तापजत्ताणं ठाणा पण्णत्ता ? कहि णं भंते ! रयणप्पभापुढवीणेरइया परिवसंति ? गोयमा ! इमीसे रयणप्पभाए पु० असीउत्तर