________________ अनंगपविट्ठसुत्ताणि कहि णं भंते ! बायरवणस्सइकाइयाणं पजत्तगाणं ठाणा पण्णत्ता ? गोयमा ! सट्ठाणेणं सत्तसु घणोदहीसु, सत्तसु घणोदहिवलएसु, अहोलोए पायालेसु, भवणेसु, भवणपत्थडेसु, उड्ढलोए कप्पेसु, विमाणेसु, विमाणावलियासु, विमाणपत्थडेसु, तिरियलोए अगडेसु, तडागेसु, णईसु, दहेसु, वावीसु, पुक्खरिणीसु, दीहियासु, गुंजालियासु, सरेसु, सरपंतियासु, सरसरपंतियासु, बिलेसु, बिलपंतियासु, उज्झरेसु, णिज्झरेसु, चिल्ललेसु, पल्ललेसु, वप्पिणेसु, दीवेसु, समुद्देसु, सव्वेसु, चेव जलासएसु जलठाणेसु, एत्थ णं बायरवणस्सइकाइयाणं पजत्तगाणं ठाणा पण्णत्ता / उववाएणं सव्वलोए, समुग्याएणं सव्वलोए, सट्ठाणेणं लोयस्स असंखेजइभागे // 89 // कहि णं भंते ! बायरवणस्सइकाइयाणं अपजत्तगाणं ठाणा पणत्ता ? गोयमा! जत्व बायरवणस्सइकाइयाणं पजत्तगाणं ठाणा प० तत्थेव बायरवणस्सइकाइयाणं अपजत्तगाणं ठाणा पण्णत्ता। उववाएणं सव्वलोए, समुग्धाएणं सव्वलोए, सट्ठाणेणं लोयस्स असंखेजइभागे // 90 // कहि णं भंते ! सुहमवणस्सइकाइयाणं पजत्तगाणं अपजत्तगाण य ठाणा पण्णत्ता ? गोयमा ! सुहुमवणस्सइकाइया जे पजत्तगा जे य अपजत्तगा ते सव्वे एगविहा अविसेसा अणाणत्ता सव्वलोयपरियावण्णगा पण्णत्ता समणाउसो ! // 91 // कहि णं भंते ! बेइंदियाणं पजत्तापजत्तगाणं ठाणा पण्णत्ता ? गोयमा! उड्ढलोए तदेकदेसभागे, अहोलोए तदेकदेसभागे, तिरियलोए अगडेसु, तलाएसु, गईसु, दहेसु, वावीसु, पुक्खरिणीसु, दीहियासु, गुंजालियासु, सरेसु, सरपंतियासु, सरसरपंतियासु, बिलेसु, बिलपंतियासु, उज्झरेसु, णिज्झरेसु, चिल्ललेसु, पल्ललेसु, वप्पिणेसु, दीवेसु, समुद्देसु, सव्वेसु, चेव जलासएसु, जलठाणेसु, एत्थ णं बेइंदियाणं पजत्तापजत्तगाणं ठाणा पण्णत्ता / उववाएणं लोगस्स असंखेजइभागे, समुग्घाएणं लोगस्स असंखेजइभागे, सट्टाणेणं लोगस्स असंखेजइभागे // 92 // कहि णं भंते ! तेइंदियाणं पजत्तापजत्तगाणं ठाणा पण्णत्ता ? गोयमा ! उड्ढलोए तदेकदेसभाए, अहोलोए तदेकदेसभाए, तिरियलोए अगडेसु, तलाएसु, णईसु, दहेसु, वावीसु, पुक्खरिणीसु, दीहियासु, गुंजालियासु, सरेसु, सरपंतियासु, सरसरपंतियासु, बिलेसु, बिलपंतियासु, उज्झरेसु, णिज्झरेसु, चिल्ललेसु, पल्ललेसु, वप्पिणेसु, दीवेसु, समुद्देसु, सन्वेसु, चेव जलासएसु, जलठाणेसु, एत्थ णं तेइंदियाणं पजत्तापजत्तगाणं ठाणा पण्णत्ता / उववाएणं लोयस्स असंखेजइभागे, समुग्धाएणं लोयस्स असंखेजहभागे, सट्टाणेणं लोयस्स असंखेजइभागे // 93 // कहि णं भंते ! चउरिदियाणं पजत्तापजत्तगाणं
