________________ पण्णवणासुत्तं प० 2 335 णं भंते ! सुहमआउकाइयाणं पजत्तगाणं अपजत्तगाण य ठाणा पण्णता ? गोयमा ! सुहमआउकाइया जे पजत्तगा जे य अपजत्तगा ते सव्वे एगविहा अविसेसा अणाणत्ता सव्वलोयपरियावण्णगा पण्णत्ता समणाउसो ! // 82|| कहि णं भंते ! बायरतेउकाइयाणं पजत्तगाणं ठाणा पण्णत्ता ? गोयमा ! सट्टाणेणं अंतोमणुस्सखेत्ते अड्ढाइजेसु दीवसमुद्देसु, णिव्वाघाएणं पण्णरससु कम्मभूमीसु वाघायं पडुच्च पंचसु महाविदेहेसु, एत्थ णं बायरतेउकाइयाणं पजत्तगाणं ठाणा पण्णत्ता / उववाएणं लोयम्स असंखेजइभागे, समुग्घाएणं लोयस्स असंखेजइमागे, सट्ठाणेणं लोयस्स असखंइ. भागे // 83 // कहि णं भंते ! बायरतेउकाइयाणं अपजत्तगाणं ठाणा पण्णत्ता ? गोयमा ! जत्थेव बायरतेउकाइयाणं पजत्तगाणं ठाणा प० तत्थेव बायरतेउकाइयाणं अपजत्तगाणं ठाणा पण्णत्ता। उववाएणं लोयस्स दोसु उड्ढकवाडेसु तिरियलोयत? य, समुग्धाएणं सव्वलोए, सट्ठाणेणं लोयस्स असंखेजइभागे // 84 // कहि णं भंते ! सुहुमतेउकाइयाणं पजत्तगाण य अपज्जत्तगाण य ठाणा पण्णत्ता ? गोयमा ! र हुमतेउकाइया जे पज्जत्तगा जे य अपज्जत्तगा ते सव्वे एगविहा अविसेसा अणाण / सव्वलोयपरियावण्णगा पण्णत्ता समणाउसो ! // 85 // कहि णं भंते ! बायरवारकाइयाणं पज्जत्तगाणं ठाणा पण्णत्ता गोयमा ! सट्टाणेणं सत्तसु घणवाएसु, सत्तसु घणवायवलएसु, सत्तसु तणुवाएसु, सत्तसु तणुवायवलएसु, अहोलोए पायालेसु, भवणेसु, भवणपत्थडेसु, भवणछिदेसु, भवणणिवखुडेसु, णिरएसु, गिरयावलियासु, णिरयपत्थडेसु, गिरयछिद्देसु, णिरयणिक्खुडेसु, उड्ढलोए कप्पेसु, विमाणेसु, विमाणावलियासु, विमाणपत्थडेसु, विमाणछिद्देसु, विमाणणिक्खुडेसु, तिरियलोए पाईणपडीणदाहिणउदीप-सव्वेसु चेव लोगागासछिद्देसु, लोगणिक्खुडेसु य, एत्थ णं बायरवाऊकाइयाणं पजत्तगाणं ठाणा पण्णत्ता। उववाएणं लोयस्स असंखेजेसु भागेसु, समुग्याएणं लोयस्स असंखेजेसु भागेसु, सट्टाणेणं लोयस्स असंखेजेसु भागेसु // 86 / / कहि णं भंते ! अपजत्तबायरवाउकाइयाणं ठाणा पण्णत्ता! गोयमा ! जत्थेव बायरवाउकाइयाणं पज्जत्तगाणं ठाणा प० तत्थेव बायरवाउकाइयाणं अपज्जत्तगाणं ठाणा पण्णत्ता / उववाएणं सव्वलोए, समुग्घाएणं सव्वलोए, सट्ठाणेणं लोयस्स असंखेजेसु भागेसु // 87 // कहि णं भंते ! सुहुमवाउकाइयाणं पजत्तगाणं अपजत्तगाण य ठाणा पण्णत्ता 1 गोयमा ! सुहुमवाउकाइया जे पजत्तगा जे य अपजत्तगा ते सव्वे एगविहा अविसेसा अणाणत्ता सव्वलोयपरियावण्णगा पण्णात्ता समणाउसो ! // 88||
