________________ बीयं ठाणपयं कहि णं भंते ! बायरपुढविकाइयाणं पजत्तगाणं ठाणा पण्णत्ता ? गोयमा ! सट्ठाणेणं अट्ठसु पुढवीसु, तंजहा-रयणप्पभाए, सक्करप्पभाए, वालुयप्पभाए, पंकप्पभाए, धूमप्पभाए, तमप्पभाए, तमतमप्पभाए, ईसिप्पन्भाराए, अहोलोए पायालेसु, भव. न, भवणपत्थडेसु, णिरएतु, णिरयावलियासु, णिरयपत्थडेसु; उड्ढलोए कप्पेसु, विमाणेसु, विमाणावलियासु, विमाणपत्थडेसु; तिरियलोए टंकेसु, कूडेसु, सेलेसु, सिहरीसु, पब्भारेसु, विजएसु, वक्खारेसु, वासेसु, चासहरपव्वएसु, वेलासु, वेइयासु, दारेसु, तोरणेसु, दीवेसु, समुद्देसु, एत्थ णं बायरपुढविकाइयाणं पजत्तगाणं ठाणा पण्णत्ता / उववाएणं लोयस्स असंखेजइभागे, समुग्धारण लोयस्स असंखेजइभागे, सट्ठाणेणं लोयस्स असंखेजइभागे // 79 // कहि णं भंते ! बायरपुढविक्काइयाणं अपजत्तगाणं ठाणा पण्णत्ता ? गोयमा ! जत्थेव बायरपुढविकाइयाणं पजत्तगाणं ठाणा पण्णत्ता तत्थेव बायरपुढविकाइयाणं अपजत्तगाणं ठाणा पण्णत्ता। उववाएणं सबलोए, समुग्घाएणं सव्वलोए, सट्टाणेणं लोयस्स असंखेजइभागे // 80 // कहि णं भंते ! सुहुमपुढविकाइयाणं पजत्तगाणं अपजत्तगाण य ठाणा पण्णत्ता ? गोयमा! सुहमपुढ विकाइया जे पजत्तगा जे य अपजत्तगा ते सव्वे एगविहा अविसेसा अणाणत्ता सव्वलोयपरियावण्णगा पण्णत्ता समणाउसो ! // 81 // कहि णं भंते ! बायरआउकाइयाणं पजत्तगाणं ठाणा पण्णत्ता 1 गोयमा ! सट्टाणेणं सत्तसु घणोदहीसु, सत्तसु घणोदहिवलएसु, अहोलोए पायालेसु, भवणेसु,भवणपत्थडेसु, उड्ढलोए कप्पेसु, विमाणेसु, विमाणावलियासु, विमाणपत्थडेसु, तिरियलोए अगडेसु, तलाएसु, णईसु, दहेसु, वावीसु, पुक्खरिणीसु, दीहियासु. गुंजालियासु, सरेसु, सरपंतियासु, सरसरपंतियासु, बिलेसु, बिलपंतियासु, उज्झरेसु, गिज्झरेसु, चिल्ललएसु, पल्ललएसु, वप्पिणेसु, दीवेसु, समुद्देसु, सव्वेसु चेव जलासएसु जलढाणेसु, एत्थ णं बायरआउकाइयाणं पन० ठाणा पण्णत्ता। उववाएणं लोयस्स असंखेजइभागे, समुग्धाएणं लोयस्स असंखेजइभागे, सट्ठाणेणं लोयस्स असंखेजइमागे / कहि णं भंते ! घायरआउकाइयाणं अपजत्तगाणं ठाणा पण्णता ? गोयमा ! जत्थेव बायरआउकाइयपजत्तगाणं ठाणा पण्णत्ता तत्थेव बायरआउकाइयाणं अपजत्तगाण ठाणा पण्णत्ता / उववाएणं सव्वलोए, समुग्घाएणं सव्वलोए, सहाणेणं लोयस्स असंखेजइभागे / कहि
