________________ - पण्णवणासुत्तं प० 1 रित्तारिया ? अहक्खायचरित्तारिया दुविहा पण्णत्ता / तंजहा-छउमत्थअहवखायचरित्तारिया य केवलिअहक्खायचरित्तारिया य / सेत्तं अहक्खायचरित्तारिया। सेत्तं चरित्तारिया। सेत्तं आणिड्ढिपत्तारिया। सेत्तं कम्मभूमगा। सेत्तं गब्भवकंतिया। सेत्तं मणुस्सा / / 77 // से किं तं देवा ? देवा चउव्विहा पण्णत्ता / तंजहा-भवणवासी, वाणमंतरा, जोइसिया, वेमाणिया। से किं तं भवणवासी ? भवणवासी दसविहा पण्णत्ता। तंजहा-असुरकुमारा, णागकुमारा, सुवण्णकुमारा, विज्जुकुमारा, अग्गिकुमारा, दीवकुमारा, उदहिकुमारा, दिसाकुमारा, वाउकुमारा, थणियकुमारा। ते समासओ दुविहा पण्णत्ता। तंजहा-पजत्तगा य अपजत्तगा य / सेत्तं भवणवासी / से किं तं वाणमंतरा ? वाणमंतरा अट्टविहा पण्णत्ता। तंजहा-किण्णरा, किंपुरिसा, महोरगा, गंधव्वा, जक्खा, रक्खसा, भूया, पिसाया / ते समासओ दुविहा पण्णत्ता / तंजहा-पजत्तगा य अपजत्तगा य / सेत्तं वाणमंतरा। से किं तं जोइसिया ? जोइसिया पंचविहा पण्णत्ता। तंजहा-चंदा, सूरा, गहा, णक्खत्ता, तारा / ते समासओ दुविहा पण्णत्ता। तंजहा-पजत्तगा य अपजत्तगा य / सेत्तं जोइसिया / / से किं तं वेमाणिया ? वेमाणिया दुविहा पण्णत्ता / तंजहा-कप्पोवगा य कप्पाईया य / से किं तं कप्पोवगा ? कम्पोवगा बारसविहा पण्णत्ता। तंजहा—सोहम्मा, ईसाणा, सणंकुमारा, माहिंदा, बंभलोया, लंतया, महासुक्का, सहस्सारा, आणया, पाणया, आरणा, अच्चुया / ते समासओ दुविहा पण्णत्ता, तंजहा—पजत्तगा य अपजत्तगा य / सेत्तं कप्पोवगा। से किं तं कप्पाईया ? कप्पाईया दुविहा पण्णत्ता / तंजहा-गेविजगा य अणुत्तरोववाइया य। से किं तं गेविजगा ? गेविजगा णवविहा पण्णत्ता। तंजहा-हिट्ठिमहिट्ठिमगेविजगा, हिटिममज्झिमगेविजगा, हेट्ठिमउवरिमगेविजगा, मज्झिमहेट्ठिमगेविजगा, मज्झिममज्झिमगेविजगा, मज्झिमउवरिमगेविजगा, उवरिमहेट्ठिमगेविजगा,उवरिममज्झिमगेविजगा,उवरिमउवरिमगेविजगा। ते समासओ दुविहा पण्णत्ता / तंजहा-पजत्तगा य अपजत्तगा य / सेत्तं गेविजगा। से किं तं अणुत्तरोववाइया ? अणुत्तरोवयाइया पंचविहा पण्णत्ता। तंजहा-विजया, वेजयंता, जयंता, अपराजिया, सव्वट्ठसिद्धा / ते समासओ दुविहा पण्णत्ता / तंजहापजत्तंगा य अपजत्तगा य / सेत्तं अणुत्तरोववाइया / सेत्तं कप्पाईया। सेत्तं वेमाणिया। सेत्तं देवा / सेत्त पंचिंदिया। सेत्तं संसारसमावण्णजीवपण्णवणा। सेत्तं जीवपण्णवणा। सेत्तं पण्णवणा 78 / पण्णवणाए भगवईए पढमं पण्णवणापयं समत्तं
