________________ - पण्णवणासुत्तं प० 1 325 भंते !आसालिया समुच्छइ ?, गोयमा ! अंतोमणुस्सखेत्ते अड्ढाइजेसु दीवेसु, णिव्वाघाएणं पण्णरससु कम्मभूमीसु, वाघायं पडुच्च पंचसु महाविदेहेसु, चक्कवटिखंधावारेसु, वासुदेवखंधावारेसु, बलदेवखंधावारेसु, मंडलियखंधावारेसु, महामंडलियखंधावारेसु, गामणिवेसे, णगरणिवेसेसु, गिगमणिवेसेसु, खेडणिवेसेसु, कब्बडणिवेसेसु, मडंबणिवेसेसु, दोणमुहणिवेसेसु, पट्टणणिवेसेसु, आगरणिवेसेसु, आसमणिवेसेसु, संबाहणिवेसेनु, रायहाणीणिवेसेसु, एएसि णं चेव विणासेसु एत्थ णं आसालिया संमुच्छइ / जहण्णेणं अंगुलस्स असंखेजइभागमित्ताए ओगाहणाए, उकोसेणं बारसजोयणाई तयगुरूवं च णं विक्खंभबाहलेणं भूमि दालित्ता णं समुढेइ, असण्णी मिच्छदिट्ठी अण्णाणी अंतोमुहुत्तऽद्धाउया चेव कालं करेइ / सेत्तं आसालिया // 54 // से किं तं महोरगा ? महोरगा अणेगविहा पण्णत्ता / तंजहा-अत्थेगइया अंगुलं पि, अंगुलपुहुत्तिया वि, वियत्थि पि, वियस्थिपुहुत्तिया वि, रयणि पि, रयणिपुहुत्तिया वि, कुच्छि पि, कुच्छिपत्तिया वि, धणु पि, धणुपुहुत्तिया वि, गाउयं पि, गाउयपुत्तिया वि, जोयणं पि, जोयणपुहुत्तिया वि, जोयणसयं पि, जोयणसयपुहुत्तिया वि, जोयणसहस्सं पि / ते णं थले जाया, जलेऽवि चरंति थलेऽवि चरंति, ते णत्थि इहं, बाहिरएसु दीवेसु समुद्दएसु हवंति, जेयावण्णे तहप्पगारा / सेत्तं महोरगा / ते समासओ दुविहा पण्णत्ता। तंजहा-समुच्छिमा य गम्भवक्कंतिया य / तत्थ णं जे ते संमुच्छिमा ते सव्वे णपुंसगा। तत्थ णं जे ते गब्भवतिया ते तिविहा पण्णत्ता। तंजहा-इत्थी, पुरिसा, णपुंसगा। एएसि णं एवमाइयाणं पजत्तापजत्ताणं उरपरिसप्पाणं दसजाइकुलकोडिजोणिप्पमुहसयसहस्सा भवंतीति मक्खायं / 'सेत्तं उरपरिसप्पा // 55 // से किं तं भुयपरिसप्पा ? भुयपरिसप्पा अणेगविहा पण्णत्ता / तंजहा-णउला,सेहा, सरडा, सल्ला, सरंठा, सारा, खोरा, घरोइला, विस्संभरा, मूसा, मंगुसा, पयलाइया छीरविरालिया, जोहा, चउप्पाइया, जेयावण्णे तहप्पगारा / ते समासओ दुविहा पण्णत्ता / तंजहासंमुच्छिमा य गन्भवक्कंतिया य / तत्थ णं जे ते संमुच्छिमा ते सव्वे णपुंसगा। तत्थ णं जे ते गब्भवकंतिया ते तिविहा पण्णत्ता / तंजहा-इत्थी, पुरिसा, णपुंसगा। एए सिणं एवमाइयाणं पज्जत्तापजत्ताणं भुयपरिसप्पाणं णव जाइकुलकोडिजोणिप्पमुहसयसहस्सा भवंतीति मक्खायं / सेत्तं भुयपरिसप्पथलयरपंचि दियतिरिक्खजोणिया। सेत्तं परीसप्पथलयरपंचिंदियतिरिक्खजोणिया // 56 // से किं तं खहयरपंचिंदियतिरिक्खजोणिया ? खहयरपंचिंदियतिरिक्खजोणिया चउव्विहा पण्णत्ता / तंजहाचम्मपक्खी, लोमपक्खी, ममुग्गपक्खी, विययपक्खी / से किं तं चम्मपवखी 1 चम्म