________________ अनंगपविट्ठसुत्ताणि पक्खी अणेगविहा पणत्ता / तंजहा-वग्गुली, जलोया, अडिल्ला, भारंडपक्खी, जीवंजीवा, समुद्दवायसा, कण्णत्तिया, पविखविरालिया, जेयावण्णे तहामगारा / सेत्तं चम्मपक्खी / से किं तं लोमपक्खी ? लोमपक्खी अणेगविहा पण्णत्ता। तंजहा-टंका, कंका, कुरला, वायसा, चक्कागा, हंसा, कलहंसा, रायहंसा, पायहंसा, आडा, सेडी, बगा, बलागा, पारिप्पवा, कोंचा, सारसा, मेसरा, मसूरा, मऊरा, सत्तहत्था, गहरा, पोडरिया, कागा, कामिंजुया, वंजुलया, तित्तिरा, वट्टगा, लावगा, कवोया, कविजला, पारेवया, चिडगा, चासा, कुक्कुडा, सुगा, बरहिणा मयणसलागा, कोइला, सेहा, वरिल्लगमाई / सेत्तं लोमपक्खी / से किं तं समुग्गपक्खी ? समुग्गपक्खी एगागारा पण्णत्ता / ते णं णत्थि इहं, बाहिरएसु दीवसमुद्देसु भवंति / सेत्तं समुन्गपर्खा / से किं तं विययपक्खी ? विययपक्खी एगांगारा पण्णत्ता / ते णं णत्थि इहं, बाहिरएसु दीवसमुद्देसु भवंति / सेत्तं विययपक्खी / ते समासओ दुविहा पणत्ता / तंजहामंमुच्छिमा य गम्भवकंतिया य / तत्थ णं जे ते संमुच्छिमा ते सव्वे णपुंसगा। तत्थ णं जे ते गम्भवक्कंतिया ते तिविहा पण्णत्ता / तंजहा-इत्थी, परिसा, णपुंसगा। एएसिणं एयमाइयाणं खहयरपंचिंदियतिरिक्खजोणियाणं पजत्तापजत्ताणं बारस जाइकुलकोडिजोणिप्पमुहसयसहस्सा भवंतीति मक्खायं / सत्तट्ठजाइकुलकोडिलक्ख णव अद्धतेरसाइं च / दस दस य होंति णवगा तह बारस चेव बोद्धव्वा / सेत्तं खहयरपंचिंदियतिरिक्खजोणिया / सेत्तं पंचिंदियतिरिक्खजोणिया !! 57 // से कि तं मणुस्सा ? मणुस्सा दुविहा पण्णत्ता। तंजहा-समुच्छिममणुस्सा य गम्भवकंतियमणुस्सा य // 58 // से किं तं समुच्छिममणुस्सा ? कहि ण भंते ! संमुच्छिममणुस्सा संमुच्छंति ?, गोयमा ! अंतो मणुस्सखेत्ते पणयालीसाए जोयणसयसहस्सेसु, अड्ढाइ जेसु दीवसमुद्देसु, पण्णरससु कम्मभूमीसु, तीसाए अकम्मभूमीसु, छप्पण्णाए अंतरदीवएसु गब्भवकंतियमणुस्साणं चेव उच्चारेसु वा, पासवणेसु वा, खेलेसु वा, सिंघाणएसु वा, वंतेसु वा, पित्तेसु वा, पूएसु वा, सोणिएसु वा, सुक्केसु वा, सुक्कपुग्गलपरिसाडेसु वा, विगयजीवकलेवरेसु वा, थीपुरिससंजोएसु वा, णगरणिद्धमणेसु वा, सव्वेसु चेव असुइट्ठाणेसु, एत्थ णं समुच्छिममणुस्सा समुच्छंति अंगुलस्स असंखेज भागमेत्ताए ओगाहणाए / असण्णी मिच्छदिट्ठी अण्णाणी सव्वाहिं पजत्तीहिं अपजत्तगा अंतोमुह त्ताउया चेव कालं करेंति / सेत्तं संमुच्छिममणुस्सा // 59 // से. किं तं गब्भवतियमणुस्सा ? गम्भवकंतियमणुस्सा तिविहा पण्णत्ता। तंजहा-कम्मभूमगा, अकम्म
