________________ 324 अनंगपविट्ठसुत्ताणि यरपंचिंदियतिरिक्खजोणिया चउब्विहा पण्णत्ता। तंजहा-एगखुरा, दुखुरा, गंडीपया, सण'फया / से किं तं एगखुरा ? एगखुरा अणेगविहा पण्णत्ता। तंजहा-अस्सा, अस्स. तरा, घोडगा, गद्दभा, गोरक्खरा, कंदलगा, सिरिकंदलगा, आवत्तगा, जेयावण्ण तहप्यगारा / सेतं एगखुरा / से किं तं दुखुरा ? दुखुरा अणेगविहा पण्णत्ता / तंजहा-उट्टा, गोणा, गवया, रोज्झा, पसया, महिमा, मिया, संबरा, वराहा, अया, एलग-रुरु-सरभचमर-कुरंग-गोकण्णमाई, जेयावण्णे तहप्यगारा / सेत्तं दुखुरा। से कि तं गंडीपया ? गंडीपया अणेगविहा पण्णत्ता। तंजहा-हत्थी, हत्थीपूयणया, मंकुणहत्थी, खगा[ग्गा], गंडा,जेवावण्णे तहप्यगारा। सेत्तं गंडीपया। से किं तं सणप्फया ? सणप्फया अणेगविहा पण्णत्ता। तंजहा-सीहा, वग्घा, दीविया, अच्छा, तरच्छा, परस्सरा, सियाला बिडाला, सुणगा, कोलसुणगा, कोकंतिया, ससगा; चित्तगा, चिल्ललगा, जेयावण्णे तहप्पगारा / सेत्तं सण'फया / ते समासओ दुविहा पण्णत्ता / तंजहा-समुच्छिमा य गम्भववतिया य / तत्थ णं जे ते संमुच्छिमा ते सव्वे णपुंसगा / तत्थ ण जे ते गम्भवक्कंतिया ते तिविहा पण्णत्ता। तंजहा-इत्थी, पुरिसा, णपुंसगा। एएसि णं एवमाइयाणं थल. यरपंचिंदियतिरिक्खजोणियाणं पजत्तापजत्ताणं दस जाइकुलकोडिजोणिप्पमुहसयसहस्सा भवंतीति मक्खायं / सेत्तं च उम्पयथलयरपंचिंदियतिरिक्खजोणिया // 5 // से किं तं परिसप्पथलयरपंचिंदियतिरिक्खजोणिया ? परिसप्पथलयरपंचिंदियतिरिकब जोणिया दुविहा पण्णत्ता / तंजहा-उरपरिसप्पथलयरपंचिंदियतिरिक्खजोणिया य भुयपरिसप्पथलयरपंचिंदियतिरिक्खजोणिया य // 52 // से किं तं उरपरिसप्पथलयरपंचिंदियतिरिक्खजोणिया ? उरपरिसप्पथलयरपंचिंदियतिरिक्खजोणिया चउबिहा पण्णत्ता तंजहा-अही, अयगरा, आसालिया, महोरगा / से किं. तं अही ? अही दुविहा पण्णत्ता / तंजहा-दव्वीकरा य मउलिणो य / से किं तं दीकरा ? दव्वीकरा अणेगविहा पण्णत्ता / तंजहा-आसीविसा, दिट्ठीविसा, उग्गविसा, भोगविमा, तयाविसा, लालाविसा, उस्सासविसा, णीसासविसा, कण्हसप्पा, सेयसप्पा, काओदरा, दज्झपुप्फा, कोलाहा, मेलिमिंदा, सेसिंदा, जेयावण्णे तहप्पगारा / सेत्तं दव्वीकरा / से किं तं मउलिणो? मउलिणो अणेगविहा पण्णत्ता / तंजहा-दिव्यागा, गोणसा, कसाहीया, वइउला, चित्तलिणो, मंडलिणो, मालिणो, अही, अहिसलागा, वासपडागा, जेयावण्णे तहप्पगारा। सेत्तं मउलिणो / सेत्तं अही। से किं तं अयगरा ? अयगरा एगागारा पण्णत्ता / सेत्तं अयगरा // 53 // से किं तं आसालिया ? कहि णं
