________________ अनंगपविट्ठसुत्ताणि बायरवाउकाइया य // 24 // से किं तं सुहुमवाउकाइया ? सुहुमवाउकाइया दुविहा पण्णत्ता / तंजहा-पजत्तगसुहुमवाउकाइया य अपजत्तगसुहुमवाउकाइया य / सेत्तं सुहुमवाउकाइया // 25 // से किं तं बायरखाउकाइया ? बायरवाउकाइया अणेगविहा पण्णत्ता। तंजहा-पाईणवाए, पडीणवाए, दाहिणवाए, उदीणवाए, उड्ढवाए, अहोवाए, तिरियवाए, विदिसिवाए, वाउभामे, वाउकलिया, वायमंडलिया, उक्कलियावाए, मंडलियावाए, गुंजावाए, झंझावाए, संवट्टवाए, घणवाए, तणुवाए, सुद्धवाए, जेयावण्णे तहप्पगारा। ते समासओ दुविहा पण्णत्ता / तंजहा-पजत्तगा य अपज्जत्तगा य। तत्थ णं जे ते अपजत्तगा ते णं असंपत्ता। तत्थ णं जे ते पजत्तगा एएसि णं वण्णादेसेणं, गंधादेसेणं, रसादेसेणं, फासादेसेणं सहस्सग्गसो विहाणाई, संखेजाई जोणिप्पमुहसयसहस्साई / पजत्तगणिस्साए अपजत्तगा वृक्कमंति, जत्थ एगो तत्थ णियमा असंखेजा / सेत्तं बायरवाउकाइया / सेत्तं वाउकाइया // 26 // से किं तं वणस्सइकाइया ? वणस्सइकाइया दुविहा पण्णत्ता / तंजहा-सुहुमवणस्सइकाइया य बायरवणस्सइकाइया य // 27 // से किं तं सुहमवणस्सइकाइया ? सुहुमवणस्सइकाइया दुविहा पण्णत्ता / तंजहा-पजत्तगहुमवणस्सइकाइया य अपजत्तगहुमवणस्सइकाइया य / सेत्तं सुहुमवणस्सइकाइया // 28 // से किं तं बायरवणस्सइकाइया ? बायरवणस्सइकाइया दुविहा पण्णत्ता। तंजहा-पत्तेयसरीरबायरवणस्सइकाइया य साहारणसरीरबायरवणस्सइकाइया. य // 29 // से किं तं पत्तेयसरीरबायरवणस्सइकाइया ? 2 दुवालसविहा पण्णत्ता / तंजहा-१ रुक्खा 2 गुच्छा 3 गुम्मा 4 लया य 5 वल्ली य 6 पव्वगा चेव / 7 तण 8 वलय 9 हरिय 10 ओसहि 11 जलरुह 12 कुहणा य बोद्धव्वा // 30 // से किं तं रुक्खा ? रुक्खा दुविहा पण्णत्ता। तंजहा-एगढिया य बहुबीयगा य // 31 // से किं तं एगढिया ? एगढिया अणेगविहा पणत्ता / तंजहा-णिबंब-जंबु-कोसंब-सालअंकुल्ल-पीलु सेलू य / सल्लइमोयइमालुयबउल-पलासे करंजे य // 1 // पुत्तंजीवयऽरिटे बिहेलए हरिडए य भिल्लाए / उंबेभरियाखीरिणि बोद्धव्वे धायइपियाले // 2 // पूईयणिबकरंजे सण्हा तह सीसवा य असणे य / पुण्णाग-णागरुक्खे सीवण्णि तहा असोगे य ॥३॥जेयावण्णे तहप्पगारा। एएसिणं मूला वि, असंखेजजीविया, कंदा वि, खंधा वि, तया वि, साला वि, पवाला वि / पत्ता पत्तेयजीविया, पुप्फा अणेगजीविया, फला एगट्ठिया। सेत्तं एगट्ठिया // 32 // से किं तं बहुबीयगा ? बहुबीयगा अणेगविहा पण्णत्ता। तंजहा-अत्थिय-तेंदु
