________________ - पण्णवणासुत्तं प०१ कविढे अंबाडग-माउलिंग बिल्ले य / आमलगफणिसदाडिमआसोडे उंबर वडे य // 1 // जग्गोहणंदिरुक्खे पिप्परी सयरी पिलुक्खरुक्खे य / काउंबरि कुत्थुभरि बोद्धव्वा देवदाली य // 2 // तिलए लउए छत्ताह सिरीसे सत्तवण्णदहिवण्णे / लोद्धधवचंदणज्जुणणीमे कुडए कयंबे य // 3 // जेयावण्णे तहप्पगारा / एएसि णं मूला वि असंखेजजीविया, कंदा वि, खंधा वि, तया वि, साला वि, पवाला वि / पत्ता पत्तेयजीविया। पुप्फा अणेगजीविया / फला बहुबीयगा। सेत्तं बहुबीयगा। सेत्तं रुक्खा // 33 / / से कि तं गुच्छा ? गुच्छा अणेगविहा पण्णत्ता / तंजहा-वाइंगणिसल्लइथुण्डई य तह कच्छुरी य जासुमणा / रूवी आढइ णीली तुलसी तह माउलिंगी य॥१॥ कच्छंभरि पिप्पलिया अयसी वल्ली य कायमाईया। चुच्चू पडोलकंदलि विउव्वा वत्थुले बयरे॥२॥ पत्तउर सीयउरए हवइ तहा जवसए य बोद्धव्वे / णिग्गुंडिय कत्तुंबरि अत्थई चेव तल उडा // 3 // सणपाणकासमुद्दगअग्घाडगसामसिंदुवारे य / करमद्दअहरूसगकरीरएरावणमहित्थे // 4 // जाउलगमालपरिलीगयमारिणिकुव्वकारिया भंडी। जावइ केयइ तह गंज पाडला दासि-अंकोले // 5 // जेयावण्णे तहप्पगारा / सेत्तं गुच्छा // 34 // से किं तं गुम्मा 1 गुम्मा अणेगविहा पण्णत्ता / तंजहा-सेरियए णोमालिय. कोरंटयबंधुजीवगमणोजे / पिइयपाणकणयरकुजय तह सिंदुवारे य // 1 // जाई मोग्गर तह जूहिया य तह मलिया य वासंती / वत्थुल कत्थुल सेवाल गंठि मगदंतिया चेव // 2 // चंपगजाई गवणीइया य कुंदो तहा महाजाई / एवमणेगागारा हवंति गुम्मा मुणेयव्वा / / 3 / / सेत्तं गुम्मा // 35 // से किं तं लयाओ ? लयाओ अणेगविहाओ पण्णत्ताओ। तंजहा-पउमलया गांगलयअसोगचंपगलया य चूयलया। वणलयवासंतिलया अइमुत्तयकुंदसामलया। जेयावण्णे तहप्पगारा / सेत्तं लयाओ॥३६॥ से किं तं वल्लीओ ? वल्लीओ अणेगविहाओ पण्णत्ताओ। तंजहा-पूसफली कालिंगी तुंबी तउसी य एलवालुंकी / घोसाडई पंडोला पंचंगुलिया य णीली य / / 1 / / कंडूया कटुइया कक्कोडई कारियलई सुभगा। कुयधाय वागुलीया पाववल्ली तह देवदाली य // 2 // अप्फोया अइमुत्तगणागलया कण्हसूरवल्ली य। संघट्टसुमणसा वि य जासुवणकुविंदवल्ली य // 3 // मुद्दिय अंबावल्ली छीरविराली जयंति गोवाली। पाणीमासावल्ली गुंजावल्ली य वच्छाणी // 4 // ससविदुगोत्तफुसिया गिरिकण्णइ मालुया य अंजणई / दहिफोलइ कागणि मोगली य तह अक्कबोंदी य // 5 // जेयाचण्णे तह. प्यगारा / सेत्तं वल्लीओ // 37 // से किं तं पव्वगा ? पव्वगा अणेगविहा पण्णत्ता।
