________________ अनंगपविट्ठसुत्ताणि णाई अप्फालेइ 2 ता दूसे पवीणेइ 2 ता वाहणाई समलंकरेइ 2 ता वाहणाई वरभंडगमंडियाई करेइ 2 त्ता वाहणाई जाणाई जोएइ 2 ता.पओयलटिंट पओयधरे य समं आडहइ आडहित्ता वट्टमग्गं गाहेइ 2 त्ता जेणेव बलवाउए तेणेवं उवागच्छइ 2 त्ता बलवाउयस्स एयमाणत्तियं पञ्चप्पिणइ / तए णं से बलवाउए णयरगुत्तियं आमंतेइ 2 त्ता एवं वयासी-खिप्पामेव भो देवाणुप्पिया ! चंपं णयरिं सम्भितरबाहिरियं आसित्त जाव कारवेत्ता एयमाणत्तियं पञ्चप्पिणाहि / तए णं से णयरगुत्तिए बलवाउयस्स एयमढं आणाए विणएणं(वयणं)पडिसुणेइ 2 त्ता चंपं णयरिं संभितरबाहिरियं आसित्त जाव कारवेत्ता जेणेव बलवाउए तेणेव उवागच्छइ 2 त्ता एयमाणत्तियं पञ्चप्पिणइ / तए णं से बलवाउए कोणियस्स रण्णो भंभसारपुत्तस्स आभिसेक्कं हत्थिरयणं पडिकप्पियं पासइ हयगय जाव सण्णाहियं पासइ, सुभद्दापमुहाणं देवीणं पडिजाणाई उवटवियाई पासइ, चंपं णयरिं सभितर जाव गंधवटिभूयं कयं पासइ, पासित्ता हडतुडचित्तमाणंदिए पीयमणे जाव हियए जेणेव कूणिए राया भंभसारपुत्ते तेणेव उवागच्छइ 2 त्ता करयल जाव एवं वयासी-कप्पिए णं देवाणुप्पियाणं आभिसेक्के हत्थिरयणे हयगयरहपवरजोहकलिया य चाउरंगिणी सेणा सण्णाहिया सुभद्दापमुहाणं च देवीणं बाहिरियाए य उवहाणसालाए पाडिएक्कपाडिएक्काई जत्ताभिमुहाई जुत्ताई जाणाई उवहावियाई चंपा णयरी सभितरबाहिरिया आसित्त जाव गंधवट्टिभूया कया, तं णिजंतु णं देवाणुप्पिया ! समणं भगवं महावीरं अभिवंदया // 29 // तए णं से कूणिए राया भंभसारपुत्ते बलवाउयस्स अंतिए एयमट्ठ सोचा णिसम्म हहतुह जाव हियए जेणेव अट्टणसाला तेणेव उवागच्छइ 2 त्ता अट्ठणसालं अणुपविसइ 2 त्ता अणेगवायामजोग्गवग्गणवामद्दणमल्लजुद्धकरणेहिं संते परिसंते सयपागसहस्सपागेहिं सुगंधतेल्लमाइएहिं पीणणिज्जेहिं दप्पणिजेहिं मयणिजेहिं विहणिजेहिं सविदियगायपल्हायणिजेहिं अभिगेहिं अभिगिए समाणे तेलचम्मंसि पडिपुण्णपाणिपायसुकुमालकोमलतलेहिं पुरिसेहिं छेएहिं दक्खेहिं पत्तठेहिं कुसलेहिं मेहावीहिं णिउणसिप्पोवगएहिं अभिगणपरिमद्दणुव्वलणकरणगुणणिम्माएहिं अट्ठिसुहाए मंससुहाए तयासुहाए रोमसुहाए चउविहाए संवाहणाए संवाहिए समाणे अवगयखेयपरिस्समे अट्टणसालाओ पडिणिक्खमइ पडिणिक्खमित्ता जेणेव मजणघरे तेणेव उवागच्छइ तेणेव उवागच्छित्ता मजणघरं अणुपविसइ 2 त्ता समुत्तजालाउलामिरामे विचित्तमणिरयणकुट्टिमतले रमणिजे ण्हाणमंडवंसि णाणामणिरयणभत्ति
