________________ 16 __ ओववाइयसुत्तं णयरिं सभितरवाहिरियं आसित्तसित्तसुइसम्मट्टरत्यंतरावणर्व हियं मंचाइमंचकलियं णाणाविहरागउच्छियज्झयपडागाइपडागमंडियं लाउलोइयमहियं गोसीससरसरत्तचंदण जाव गंधवट्टिभू करेह कारवेह करित्ता कारवेत्ता एयमाणत्तियं पच्चप्पिणाहि, णिजाइस्सामि समणं भगवं महावीरं अभिवंदए // 28 // तए णं से बलवाउए कणिएणं रणा एवं वुत्ते समाणे हहतुट्ठ जाव हियए करयलपरिन्गहियं सिरसावत्तं मत्थए अंजलिं कटु एवं वयासी-सामित्ति आणाए विणएणं वयणं पडिसुणेइ 2 त्ता हत्थिवाउयं आमतेइ आमंतेत्ता एवं वयासी-खिप्पामेव भो देवाणुप्पिया ! कूणियस्स रण्णो भंभसारपुत्तत्स आभिसेक हत्थिरयणं पडिकम्पेहि, हयगयरहपवरजोहकलियं चाउरंगिगि सेणं सण्याहेहि सण्णाहित्ता एयमाणत्तिय पञ्चप्पिणाहि / तए णं से हत्थिवाउए बलवाउयस्स एयमटें सोचा आणाए विणएणं वयणं पडिसुणेइ पडिसुणित्ता छेयायरियउवएसमइविकप्पणाविकप्पेहिं सुणिउणेहिं उजलणेवत्थहत्थपरिवत्थियं सुसज्जं धम्मियसण्णद्धबद्धकवइयउप्पीलियकच्छवच्छ(वच्छ कच्छ)गेवेयबद्धगलवरभूमणविरायतं अहियतेयजुत्तं सललियवरकण्णपूरविराइयं पलंबउच्चूलमहुयरकयंधयारं चित्तपरिच्छेयपच्छयं पहरणावरणभरियजुद्धसज्जं सच्छत्तं सज्झयं सघंटे सपडागं पंचामेलयपरिमंडियाभिरामं ओसारियजमलजुयलघंटं विज्जुपणद्धं व कालमेहं उप्पाइयपव्वयं व चंकमंतं मत्तं गुलगुलंतं मणपवणजइणवेगं भीमं संगामिया ओग्गं [जं] आभिसेकं हथिरयणं पडिकप्पइ पडिकप्पेत्ता हयगयरहपवरजोहकलियं चाउरंगिणिं सेणं सण्णाहेइ सण्णाहित्ता जेणेव बलवारए तेणेव उवागच्छइ . उवागच्छित्ता एयमाणत्तियं पच्चप्पिणइ / 'तए णं से बलवाउए जाणसालियं सद्दावेइ सद्दावित्ता एवं वयासी-खिप्पामेव भो देवाणुप्पिया ! सुभद्दापमुहाणं देवीणं बाहिरियाए उवट्ठाणसालाए पाडिएकपाडिएक्काई जत्ताभिमुहाई जुत्ताई जाणाई उवहवेह उवहवित्ता एयमाणत्तियं पच्चप्पिणाहि / तए णं से जाणसालिए बलवाउयस्स एयमद्रं आणाए विणएणं वयणं पडिसुणेइ पडिसुणित्ता जेणेव जाणसाला तेणेव उवागच्छइ तेणेव उवागच्छित्ता जाणाइं पच्चुवेक्खेइ पच्चुवोक्खित्ता जाणाई संपमजेइ 2 त्ता जाणाई संवट्टेइ जाणाई संवदे॒त्ता जाणाई णीणेइ जाणाई णीणेत्ता जाणाणं दूसे पवीणेइ 2 त्ता जाणाई समलंकरेइ 2 त्ता जाणाई वरभंडगमंडियाइं करेइ 2 त्ता जेणेव वाहणसाला तेणेव उवागच्छइ तेणेव उवागच्छित्ता वाहणाई पच्चुवेक्खेइ 2 त्ता वाहणाई संपमजइ 2 त्ता वाहणाई णीणेइ 2 त्ता वाह
