________________ __ जीवाजीवाभिगमे प० 3 261 खोदोदगस्स जाव सुमणसोमणसभद्दा एत्थ दो देवा महिड्ढिया जाव परिवसंति सेसं तहेव जाव तारग्गं // 184 // गंदीसरोदं णं समुदं अरुणे णामं दीवे वट्टे वलयागार जाव संपरिक्खित्ताणं चिट्ठइ / अरुणे णं भंते ! दीवे किं समचकवालसंठिए विसमचकवालसंठिए ? गोयमा ! समचक्कवालसंठिए जो विसमचकवालसंठिए, केवइयं चकवालवि० ? गोयमा ! संखेजाइं जोयणसयसहस्साई चक्कवालविवखंभेणं संखेजाई जोयणसयसहस्साई परिक्खेवेणं पण्णत्ते, पउमवर० वणसंडदारा दारंतरा य तहेव संखेजाई जोयणसयसहस्साई दारंतरं जाव अट्ठो, वावीओ० खोदोदगपडिहत्थाओ उम्पायपव्वयगा सव्ववइरामया अच्छा जाव पडिरूवा, असोगवीयसोगा य एत्थ दुवे देवा महिड्ढिया जाव परिवसंति, से तेण० जाव संखे सव्वं // अरुणण्णं दीवं अरुणोदे णामं समुद्दे तस्सवि तहेव परिक्खेवो अट्ठो खोदोदगे गवरं सुभद्दसुमणभद्दा एत्थ दो देवा महिड्ढिया सेसं तहेव / / अरुणोंदगंणं समुदं अरुणवरे णामं दीवे वट्टे वलयागारसंठाण तहेव संखेजगं सव्वं जाव अट्ठो० खोदोदगपडिहत्थाओ उप्पायपव्वयया सव्ववइरामया अच्छा जाव पडिरूवा, अरुणवरभद्दअरुणवरमहाभद्दा एत्थ दो देवा महिड्ढिया० / एवं अरुणवरोदेवि समुद्दे जाव अरुणवरअरुणमहावरा य एत्थ दो देवा सेसं तहेव / / अरुणवरोदण्णं समुदं अरुणवरावभासे णामं दीवे वटूटे जाव अरुणवरावभासभद्दारुणवरावभासमहाभद्धा एत्थ दो देवा महिड्ढिया० / एवं अरुणवरावभासे समुद्दे णवरि अरुणवरावभासवरारुणवरावभासमहावरा एत्थ दो देवा महिड्ढिया० // कुंडले दावे कुंडलभद्दकुंडलमहाभद्दा एत्थ दो देवा महि ढिया०, कुंडलोदे समुद्दे चक्खुसुभचक्खुकंता एत्थ दो देवा म०। कुंडलवरे दीवे कुंडलवरभद्दकुंडलवरमहाभद्दा एत्थ दो देवा महिड्डिया०, कुडलवरोदे समुद्दे कुडलवर[वर]कुंडलवरमहावरा एत्थ दो देवा म० // कुंडलवरावभासे दीवे कुंडलवरावभासभद्दकुंडलवरावभासमहाभद्दा एत्थ दो देवा० // कुंडलवरोभासोदे समुद्दे कुंडलवरोभासवरकुंडलवरोभासमहावरा एत्थ दो देवा म० जाव पलिओवमट्ठिया परिवसंति० // कुंडलवरोभासोदं णं समुदं रुयगे णामं दीवे वटे वलया. जाव चिट्ठइ, किं समचक्क० विसमचक्कवाल० 1 गोयमा ! समचकवाल० णो विसमचक्कवालसंठिए, केवइयं चक्कवाल० पण्णत्ते 10 सव्वट्ठमणोरमा एत्थ दो देवा सेसं तहेव / रुयगोदे णामं समुद्दे जहा खोदोदे समुद्दे संखेजाइं जोयणसयसहस्साई चकवालवि० संखेजाई जोयणसयसहस्साई परिक्खेवेणं दारा दारंतरंपि संखेजाई जोइसपि सव्वं संखेनं भाणियव्यं, अट्ठोवि जहेव खोदोदस्स णवरि सुमणसोमणसा एत्थ दो देवा महिटिया
