________________ 260 अनंगपविद्वसुत्ताणि चउद्दिसिं चत्तारि गंदापुक्खरिणीओ तंजहा-विजया वेजयंती जयंती अपराजिया, सेसं तहेव जाव सिद्धाययणा सव्वा ते चिय वण्णणा णायव्वा, तत्थंणं बर्वे भवणवइ-वाणमंतर-जोइसिय-वेमाणिया देवा, चाउमासियापडिवएसु संवच्छरिएसु, वा अण्णेसु बहुसु जिणजम्मणणिक्खमणणाणुप्पत्तिपरिणिव्वाणमाइएसु य, देवक जेसु य, देवसमुदएसु य, देवसमिइसु य, देवसमवाएसु य देवपओयणेसु य एगंतओ, सहिया समुवागया समाणा, पमुइयपक्कीलिया, अट्ठाहियारूवाओ महामहिमाओ करेमाणा, पालेमाणा सुहंसुहेणं विहरंति। [तहेव दहिमुहगपव्वया तहेव जाव वणखंडा बहु० जाव विहरति / अदुत्तरं च णं गोयमा ! गंदीसरवरस्स णं दीवस्स चक्कवालविखंभस्स बहुमज्झदेसभाए चउसु विदिसासु चत्तारि रइकरगपव्वया प०२०-उत्तरपुरच्छिमिल्ले रइकरगपव्वए दाहिणपुरथिमिल्ले रहकरगपव्वए दाहिणपञ्चस्थिमिल्ले रहकरगपव्वए उत्तरपञ्चस्थिमिले रइकरगपव्वए, ते णं रहकरगपव्वया दसजोयणसयाई उड्ढे उच्चत्तेणं, दसगाउयसयाइं उव्वेहेणं, सव्वत्थसमा झल्लरिसंठाणसंठिया, दसजोयणसहस्साई विक्खंभेणं, एकतीसं जोयणसहस्साई छच्चतेवीसे जोयणसए परिक्खेवेणं, सव्वरयणामया अच्छा जाव पडिरूवा / तत्थ णं जे से उत्तरपुरच्छिमिल्ले रइकरगपव्वए तस्स णं चउद्दिसिमीसाणस्स देविंदस्स देवरण्णो चउण्हमग्गमहिसीणं जंबुद्दीवप्पमाणमेत्ताओ चत्तारि रायहाणीओ प० तं०-णंदोत्तरा गंदा उत्तरकुरा देवकुरा, कण्हाए कण्हराईए कामाए कामरक्खियाए / तत्थ णं जे से दाहिणपुरच्छिमिले रइकरगपव्वए तस्स णं चउद्दिसि सक्कस्स देविंदस्स देवरण्णो चउण्हमग्गमाहिसीणं जंबुद्दीवप्पमाणाओ चत्तारि रायहाणीओ प० तं०-सुमणा सोमणसा अच्चिमाली मणोरमा, पउमाए सिवाए सईए अंजूए / तत्थ णं जे से दाहिणपच्चत्थिमिल्ले रइकरगपव्वए तस्स णं चउद्दिसि सक्कस्स देविंदस्स देवरण्णो चउण्हमग्गमहिसीणं जंबुद्दीवप्पमाणमेत्ताओ चत्तारि रायहाणीओ प० तं०-भूया भूयवडिंसा गोथूभा सुदंसणा, अमलाए अच्छराए णवमियाए रोहिणीए / तत्थ णं जे से उत्तरपञ्चस्थिमिल्ले रइकरगपव्वए तस्स णं चउद्दिसिमीसाणस्स चउण्हमग्गमहिसीणं जंबुद्दीवप्पमाणमेत्ताओ चत्तारि रायहाणीओप० तं०-रयणा रयणोचया सव्वरयणा रयणसंचया, वसूए वसुगुत्ताए वसुमित्ताए वसुंधराए।] कइलासहरिवाहणा य तत्थ दुवे देवा महिड्ढिया जाव पलिओवमहिइया परिवसंति, से एएणटेणं गोयमा ! जाव णिच्चा जोइस संखेज // 183 // मंदीस्सरवरणं दीवं गंदीसरोदे णामं समुद्दे वटे वलयागारसंठाणसंठिए जाव सव्वं तहेव अट्ठो जो
