________________ ___ जीवाजीवाभिगमे प० 3 259 मणिपेडियाओ अट्ठजोयणविक्वंभाओ, चउजोयणबाहल्लाओ महिंदझया चउसट्ठिजोयणुच्चा, जोयणोव्वेधा जोयणविक्खंभा सेसं तं चेव // एवं चउद्दिसिं चत्तारि णंदापुक्खरिणीओ णवरि खोयरसपडिपुण्णाओ जोयणसयं आयामेणं पण्णासं जोयणाई विक्खंभेणं, पण्णासं जोयणाई उव्वे हेणं सेसं तं चेव, मणुगुलियाणं गोमाणसीण य, अड्यालीसं 2 सहस्साई पुरच्छिमेणवि सोलस पच्चत्थिमेणवि सोलस दाहिणेणवि, अट्ठ उत्तरेणवि अट्ठ साहस्सीओ तहेव सेसं उल्लोया भूमिभागा जाव बहुमज्झदेसभाए मणिपेढिया सोलसजोयणा आयामविवखंभेणं अट्ठ जोयणाई बाहल्लेणं तारिसं मणिपेढियाणं उम्पिं देवच्छंदगा सोलसजोयणाई आयामविक्खंभेणं साइरेगाइं सोलसजोयणाई उड्ढं उच्चत्तेणं सव्वरयण० अट्ठसयं जिणपडिमाणं सव्वो सो चेव गमो जहेव वेमाणिय सिद्धाययणस्स // तत्थ णं जे से पुरच्छिमिल्ले अंजणगपव्वए तस्स णं चउद्दिसिं चत्तारि गंदाओ पुक्खरिणीओ पण्णत्ताओ, तंजहा–णंदुत्तरा य गंदा आणंदा णंदिवद्धणा / ( दिसेणा अमोघा य गोथूभा य सुदंसणा) ताओ णं गंदापुक्खरिणीओ एगमेगं जोयणसयसहस्सं आयामविक्खंभेणं, दसजोयणाई उव्वेहेणं अच्छाओ सहाओ० पत्तेयं पत्तेयं पउमवरवेइया० पत्तेयं पत्तेयं वणसंडपरिक्खित्ता० तत्थ तत्थ जाव सोवाणपडिरूवगा तोरणा / / तासि णं पुक्खरिणीणं बहुमज्झदेसभाए पत्तेयं पत्तेयं दहिमुहपव्वया चउसट्टि जोयणसहस्साई उड्ढे उच्चत्तेणं एगं जोयणसहस्सं उव्वेहेणं सव्वत्थसमा पल्लगसंठाणसंठिया दस जोयणसहस्साई विक्खभेणं एकतीसं जोयणसहस्साई छच्च तेवीसे जोयणसए परिक्खेवेणं पण्णत्ता सव्वरयणामया अच्छा जाव पडिरूवा, तहा पत्तेयं पत्तेयं पउमवरवेइया. वणसंडवण्णओ बहुसम० जाव आसयंति सयंति० / सिद्धाययणस्स तं चेव पमाणं अंजणपव्वएसु सच्चेव वत्तव्वया, णिरवसेसं भाणियव्वं जाव उप्पिं अट्ठमंगलगा // तत्थ णं जे से दक्खिणिले अंजणगपव्वए तस्स णं चउद्दिसिं चत्तारि णंदाओ -पुक्खरिणीओ पण्णत्ताओ, तंजहा-भद्दा य विसाला य कुमुया पुंडरीगिणी, (णंदुत्तरा य गंदा य आणंदा णंदिवड्ढणा) तं चेव दहिमुहा पव्वया तं चेव पमाणं जाव सिद्धाययणा // तत्थ णं जे से पच्चथिमिल्ले अंजणगपव्वए तस्स णं चउदिसिं चत्तारि गंदा पुक्खरिणीओ पण्णत्ताओ, तंजहा–णंदिसेणा अमोहा य गोथूभा य सुदंसणा, (भद्दा य विसाला य कुमुया पुंडरीगिणी) तं चेव सव्वं भाणियव्वं जाव सिद्धाययणा // तत्थ णं जे से उत्तरिल्ले अंजणगपव्वए तस्स णं