________________ 262 अनंगपविट्ठसुत्ताणि तहेव रुयगाओ आढत्तं असंखेज विक्खंभो परिक्खेवो दारा दारंतरं च जोइसं च सव्वं असंखेज माणियव्वं / रुयगोदण्णं समुदं रुयगवरे णं दीवे वट्टे० रुयगवरभद्दरुयगवरमहाभद्दा एत्थ दो देवा० रुयगवरोदे स० रुयगवररुयगवरमहावरा एत्थ दो देवा महिड्डिया० / रुयगवरावभासे दीवे रुयगवरावभासभद्दरुयगवरावभासमहाभद्दा एत्य दो देवा महिड्ढिया० / रुयगवरावभासे समुद्दे रुयगवरावभासवररुयगवरावभासमहावरा एत्थ० // हारदोवे हारभद्दहारमहाभद्दा एत्थ० / हारसमुद्दे हारवरहारवरमहावरा एत्थ दो देवा महिड्ढिया०। हाखरोदे दीवे हारवरभद्दहारवरमहाभद्दा एत्थ दो देवा महिड्ढिया० / हावरोदे समुद्दे हारवरहारखरमहावरा एक्थ० / हारवरावभासे दीवे हारवरावभासभद्दहारवरावभासमहाभद्दा एत्थ० / हारवरावभासोदे समुद्दे हारवरावभास. वरहारवरावभासमहावरा एत्थ० / एवं सव्वेवि तिपडोयारा णेयव्वा जाव सूरवरीभासोदे समुद्दे, दीवेसु भद्दणामा वरणामा होति उदहीसु, जाव पच्छिमभावं खोयवराईसु सयंभूरमणपजतेसु वावीओ० खोदोदगपडिहत्थाओ पव्वयगा य सव्ववइरामया० / देवदीवे दीवे देवभद्ददेवमहाभद्दा एत्थ दो देवा महिड्ढिया०, देवोदे समुद्दे देववरदेवमहावरा एत्थ० जाव सयंभूरमणे दीवे सयंभूरमणभद्दसयंभूरमणमहाभद्दा एत्थ दो देवा महिड्ढिया० / सयंभूरमणण्णं दीवं सयंभूरमणोदे णामं समुद्दे वट्टे वलया० जाव असंखेजाइं जोयणसयसहस्साई परिक्खेवेणं जाव अट्ठो, गोयमा ! सयंभूरमणोदए उदए अच्छे पत्थे जच्चे तणुए फलिहवण्णाभे पगईए उदगरसेणं पण्णत्ते, सयंभूरमणवरसयंभूरमणमहावरा एत्थ दो देवा महिड्ढिया सेसं तहेव जाव असंखेजाओ तारागणकोडिकोडीओ सोभेसु वा 3 // 185 // केवइया णं भंते ! जंबुद्दीवा दीवा णामधेजेहिं पण्णत्ता ? गोयमा ! असंखेजा जंबुद्दीवा 2 णामधेजेहिं पण्णत्ता, केवइया णं भंते ! लवणसमुद्दा० पण्णत्ता ? गोयमा! असंखेजा लवणसमुद्दा णामधेजेहिं पण्णत्ता, एवं धायइसंडावि, एवं जाव असंखेजा सूरदीवा णामधेजेहिं० / एगे देवे दीवे पण्णत्ते एगे देवोदे समुद्दे पण्णत्ते, एवं णागे जवखे भूए जाव एगे सयंभूरमणे दीवे एगे सयंभूरमणसमुद्दे णामधेजेणं पण्णत्ते // 186 // लवणस्स णं भंते ! समुद्दस्स उदए केरिसए आसाएणं पण्णत्ते ? गोयमा ! लवणस्स. उदए आइले रइले लिंदे लवणे कडुए अपेजे बहूणं दुपयचउप्पयमिगपसुपविखसरीसिवाणं णण्णत्थ तजोणियाणं सत्ताणं // कालोयस्स णं भंते ! समुद्दस्स उदए केरिसए आसाएणं पण्णत्ते ? गोयमा! आसले पेसले मासले कालए भासरासिवण्णाभे पगईए उदगरसेणं पण्णत्ते // पुक्खरोदस्स णं भंते ! समुद्दस्स उदए केरिसए आ०
