________________ 254 ___अनंगपविट्ठसुत्ताणि लकलकलसद्देण विउलाई भोगभोगाई भुंजमाणा अच्छयपव्वयायं पयाहिणावत्तमंडलयारं मेरुं अणुपरियडंति // जया णं भंते ! तेर्सि देवाणं इंदे चवइ से कहमिदागि पकरेंति ? गोयमा ! ताहे चत्तारि पंच सामाणिया तं ठाणं उवसंपजित्ताणं विहरंति जाव तत्थ अण्णे इंदे उववण्णे भवइ // इंदट्ठाणे णं भंते ! केवइयं कालं विरहिए उववाएणं पण्णत्ते ? गोयमा ! जहण्णेणं एक्कं समयं उकोसेणं छम्मासा // बहिया णं भंते ! मणुस्सखेत्तस्स जे चंदिमसूरियगहणक्खत्ततारारूवा ते णं भंते ! देवा किं उड्ढोववण्णगा कप्पोववण्णगा विमाणोववण्णगा चारोववण्णगा चारहिइया गइरइया गइसमावण्णगा 1 गोयमा ! ते णं देवा णो उड्ढोववण्णगा णो कप्पोववण्णा विमाणोववण्णगा णो चारोववण्णगा चारद्विइया णो गइरइया णो गइसमावणगा पक्किटगसंठाणसंठिएहिं जोयणसयसाहस्सिएहिं तीवक्खेत्तेहिं साहस्सियाहि य बाहिराहिं वेउब्वियाहिं परिसाहिं महया हयणट्टगीयवाइय० रवेणं दिव्वाइं भोगभोगाई भुंजमाणा जाव सुहलेस्सा सीयलेस्सा भंदलेस्सा मंदायवलेस्सा चित्तंतरलेसागा कूडा इव ठाणट्ठिया अण्णोण्णसमोगाढाहिँ लेसाहिं ते पएसे सव्वओ समंतां ओभासेंति उजोवेंति तवंति पभासेति // जया णं भंते ! तेसिं देवाणं इंदे चयइ से कहमिदाणिं पकरेंति ? गोयमा ! जाब चत्तारि पंच सामाणिया तं ठाणं उवसंपजित्ताणं विहरंति जाव तत्थ अण्णे इंदे उववण्णे भवइ / इंदट्ठाणे णं भंते ! केवइयं काल विरहिए उववाएणं प० ? गोयमा ! जहण्णेणं एकं समयं उक्कोसेणं छम्मासा // 179 // पुक्खरवरण्णं दीवं पुक्खरोदे णामं समुद्दे वट्टे वलयागारसंठाणसंठिए जाव संपरिक्खित्ताणं चिट्ठइ // पुक्खरोदे णं भंते ! समुद्दे केवइयं चक्कवालविक्खंभेणं केवइयं परिक्खेवेणं पण्णत्ते ? गोयमा ! संखेजाइं जोयणसयसहस्साई चकवालविक्खंभेणं संखेज्जाइं जोयणसयसह. स्साई परिक्खेवेणं पण्णत्ते // पुक्खरोदस्स णं भंते ! समुद्दस्स कइ दारा पण्णत्ता ? गोयमा ! चत्तारि दारा पण्णत्ता तहेव सव्वं पुक्खरोदससुद्दपुरथिमपेरंते वरुणवरदीवपुरत्थिमद्धस्स पचत्थिमेणं एत्थ णं पुक्खरोदस्स विजए णामं दारे पण्णत्ते, एवं सेसाणवि / दारंतरंमि संखेजाई जोयणसयसहस्साइं अबाहाए अंतरे पण्णत्ते / पएसा जीया य तहेव / से केणटेणं भंते ! एवं बुच्चइ-पुक्खरोदे समुद्दे 2 1 गोयमा ! पुक्खरोदस्स णं समुद्दस्स उदगे अच्छे पत्थे जच्चे तणुए फलिहवण्णाभे पगईए उदगरसेणं सिरिधरसिरिप्पभा य० दो देवा महिड्ढिया जाव पलिओवमहिइया परिवसंति, से एएणटेणं जाव णिच्चे / पुक्खरोदे णं भंते ! समुद्दे केवइया चंदा पभासिंसु
