________________ .. जीवाजीवाभिगमे प० 3 253 च णं माणुसुत्तरे -पव्वए तावं च णं अस्सि लोएत्ति पवुच्चइ, जावं च णं वासाइं वा वासहराइं वातावं च णं अस्सि लोएत्ति पवुच्चइ, जावं च णं गेहाइ वा गेहावयणाइ वा तौवं च णं अस्सि लोएत्ति पवुच्चइ, जावं च णं गामाइ वा जाव रायहाणीइ वा तावं च णं अस्सि लोएत्ति पवुच्चइ, जावं च णं अरहंता चक्कवट्टी बलदेवा वासुदेवा पडिवासुदेवा चारणा विजाहरा समणा समणीओ सावया सावियाओ मणुया पगइभद्दगा विणीया तावं च ण अस्सि लोएत्ति पवुच्चइ, जावं च णं समयाइ वा आवलियाइ वा आणापाणूइ वा थोवाइ वा लवाइ वा महुत्ताइ वा दिवसाइ वा अहोरत्ताइ वा पक्खाइ वा मासाइ उदूइ वा अयणाइ वा संवच्छराइ वा जुगाइ वा वाससयाइ वा वाससहस्साइ वा वाससयसहस्साइ वा पुव्वंगाइ वा पुव्वाइ वा तुडियंगाइ वा, एवं पुव्वे तुडिए अडडे अववे हुहुए उप्पले पउमे णलिणे अच्छिणि उरे अउए णउए मउए चूलिया जाव सीसपहेलियंगेइ वा सीसपहेलियाइ वा पलिओवभेइ वा सागरोवमेइ वा उवसप्पिणीइ वा ओसप्पिणीइ वा तावं च णं अस्सि लोएत्ति पवुच्चइ, जावं च णं बायरे विज्जुयारे बायरे थणियसद्दे तावं च णं अस्सि०, जावं च णं बहवे ओराला बलाहगा संसेयंति संमुच्छंति वासं वासंति तावं च णं अस्सि लोए०, जावं च णं बायरे तेउकाए तावं च णं अस्सि लोए०, जावं च णं आगराइ वा णईउइ वा णिहीइ वा तावं च णं अस्सि लोएत्ति पवुच्चइ, जावं च णं अगडाइ गईइ वा तावं च णं अस्सि लोए०, जावं च णं चंदोवरागाइ वा सूरोवरागाइ वा चंदपरिवेसाइ वा सूरपरिवेसाइ वा पडिचंदाइ वा पडिसूराइ वा इंदधणूइ वा उदगमच्छेइ वा कविहसिवाई वा तावं च णं अस्सि लोएत्ति प०, जावं च णं चंदिमसूरियगहणक्खत्ततारारूवाणं अभिगमणणिग्गमणवुट्टिणिवुद्धिअणवट्ठियसंठाणसंठिई आधविजइ तावं च णं अस्सिं लोएत्ति पवुच्चइ // 178 // अंतो णं भंते ! मणुस्सखेत्तस्स जे चंदिमसूरियगहगणणक्खत्ततारारूवा ते णं भंते ! देवा किं उड्ढोववण्णगा कप्पोववण्णगा विमाणोक्वण्णगा चारोववण्णगा चारद्विइया गइरइया गइसमावण्णगा ? गोयमा ! ते णं देवा जो उड्ढोववण्णगा णो कप्पोववण्णगा विमाणोववण्णगा चारोववष्णगा णो चारदिइया गइरइया गइसमावण्णगा उड्ढमुहकलंबुयपुष्पसंठाणसंठिएहिं जोयणसाहस्सिएहिं तारखेत्तेहि साहस्सियाहिं बाहिरियाहिं वेउब्वियाहिं परिसाहिं महया हयणगीयवाइयतीतलतालतुडियघणमुइंगपड्डप्पवाइयरवेणं दिव्वाइं भोगभोगाई भुंजमाणा महया 2 उक्वडिसीहणायबो