________________ . जीवाजीवाभिगमे प०३ 255 वा 3 10 संखेजा चंदा पभासेंसु वा 3 जाव तारागणकोडिकोडीओ सोम॑सु वा 3 // पुक्खरोदण्णं समुदं वरुणवरे णामं दीवे वट्टे वलयागार जाव चिट्ठइ, तहेव समचक्कवालसंठिए० केवइयं चक्कवालविक्खंभेणं केवइयं परिवखेवेणं पण्णत्ते ? गोयमा ! संखेजाई जोयणमयसहस्साई चकवालविक्खंभेणं संखेजाइं जोयणसयसहस्साइं पविखेवेणं पण्णत्ते, पउमवरवेइयावणसंडवण्णओ दारंतरं पएसा जीवा तहेव सव्वं // से केण्डेणं भंते ! एवं वुच्चइ-वरुणवरे दीवे 2 1 गोयमा ! वरुणवरे णं दीवे तत्थ 2 देसे 2 तहिं 2 बहूओ खुड्डाखुड्डियाओ जाव बिलपंतियाओ अच्छाओ० पत्तेयं 2 पउमवरवेइयापरि० वण० वारुणोदगपडिहत्थाओ पासाइयाओ 4, तासु णं खुड्डाखुड्डियासु जाव बिलपंतियासु बहवे उप्पायपव्वया जाव खडहडगा सव्वफलिहामया अच्छा तहेव वरुणवरुणप्पभा य एत्थ दो देवा महिड्ढिया० परिवसंति, से तेणटेणं जाव णिच्चे / जोइस सव्वं संखेजएणं जाव तारागणकोडिकोडीओ / वरुणवरण्णं दीवं वारुणोदे णामं समुद्दे वट्टे वलया० जाव चिट्ठइ, समचक्क० विसमचक्कवालवि० तहेव सव्वं भाणियव्यं, विक्खंभपरिक्खेवो संखिजाइं जोयणसहस्साइं दारंतरं च पउमवर० वणसंडे पएसा जीवा अट्ठो-गोयमा ! वारुणोदस्स णं समुद्दस्स उदए से जहा णामए चंदप्पभाइ वा मणि सिलागाइ वा वरसीहू' वरवारुणीइ वा पत्तासवेइ वा पुप्फासवेइ वा चोयासवेइ वा फलासवेइ वा महुमेरएइ मा जंबूफलपुट्ठवण्णाइ वा जाइप्पसण्णाई वा खज्जूरसारेइ वा मुद्दियासारेइ वा कापिसायणाइ वा सुपक्कखोयरसेइ वा पभूयसंभारसंचिया पोसमाससयभिसयजोगवत्तिया णिरुवहयविसिट्ठदिण्णकालोवयारा सुधोया उक्कोसमयपत्ता अट्ठपिट्ठणिट्ठिया [ मुखइंतवरकिमदिण्णकद्दमा कोपसण्णा अच्छा वरवारुणी अतिरसा जंबूफलपुटवण्णा सुजाया ईसिउट्ठावलंबिणी अहियमधुरपेजा ईसासिरत्तणेत्ता कोमलकवोलकरणी जाव आसाइया विसाइया अणिहुयसलावकरणहरिसपीइजणणी संतोसततबिबोक्कहावविन्भमविलासवेल्लहलगमणकरणी विरणमधियसत्तजलणणी य होति संगामदेसकालेकयरणसमरपसरकरणी कढियाणविज्जुपयतिहिययाण मउयकरणी य होति उववेसिया समाणा गई खलावेइ य सयलंमिवि सुभासत्रु पालिया समरभग्गवणोसहयारसुरभिरसदीविया सुगंधा आसायणिजा विस्सायणिजा पीणणिज्जा दप्पणिज्जा मयणिज्जा सबिंदियगायपल्हायणिजा आसवा मांसला पेसला(ईसी ओढावलंबिणी ईसी तंबच्छिकरणी ईसी वोच्छेया कडुआ) वण्णेणं उववेया गंधेणं उववेया रसेणं उववेया फासेणं उववेया, भवे एया
