________________ 248 अनंगपविद्वसुत्ताणि जोगं जोइंसु वा 31 कइ तारागणकोडाकोडीओ सोभेसु वा 3 1 गोयमा ! बारस चंदा पभासिँसु वा 3, एवं-चउवीसं ससिरविणो णवखत्त सया य तिणि छत्तीसा। एगं च गहसहस्सं छप्पण्णं धायईसंडे // 1 // अद्वैव सयसहस्सा तिण्णि सहस्साइं सत्त य सयाई। धायइसंडे दीवे तारागणकोडिकोडीणं ||2|| सोभेसु वा 3 // 174|| धायइसंडं णं दीवं कालोए णामं समुद्दे वट्टे वलयागारसंठाणसंठिए सव्वओ समंता संपरिक्खिताणं चिटइ, कालोए णं समुद्दे कि समचकवालसंठाणसंठिए विसम ? गोयमा ! समचक्वाल० णो विसमचक्कवालसंठिए / कालोए णं भंते ! समुद्दे केवइयं चकवालविक्खंभेणं केवइयं परिक्खेवेणं पण्णत्ते ? गोयमा ! अट्ट जोयणसयसहस्साई चक्कवालविक्खंभेणं एक्काणउइजोयणसयसहस्साइं सत्तरि सहस्साई छच्च पंचुत्तरे जोयणसए किंचिविसेसाहिए परिक्खेवेणं पण्णत्ते // से,णं. एगाए पउमवरवेइयाए एगेणं वणसंडेणं० दोहवि वण्णओ || कालोयस्स | भंते ! समुद्स्स कइ दारा पण्णता ? गोयमा! चत्तारि दारा पण्णत्ता, तंजहा-विजए वेजयंते जयंते अपरा जेए // कहि णं भंते ! कालोयस्स समुद्दस्स विजए णामं दारे पण्णत्ते ? गोयमा ! कालोए समुद्दे पुरथिमपेरंते पुक्खरवरदीवपुरथिमद्धस्स पच्चत्थिमेणं सीओयाए महाणईए उप्पिं एत्थ णं कालोयस्स समुद्दस्स विजए णामं दारे पण्णत्ते, अट्टेव जोयणाई तं चेव पमाणं जाव रायहाणीओ / कहि णं भंते ! कालोयस्स समुद्दस्स वेजयंते णामं दारे पण्णत्ते ? गोयमा ! कालोयसमुद्दस्स दक्खिणपेरंते पुक्खरवरदीवस्स दक्खिणद्धस्स उत्तरेणं एत्थ णं कालोयसमुद्दस्स वेजयंते णामं दारे पण्णत्ते / कहि णं भंते ! कालोयसमुद्दस्स जयंते णामं दारे पण्णत्ते ? गोयमा ! कालोयसमुद्दस्स पच्चत्थिमपेरंते पुक्खरवरदीवस्स पञ्चत्थिमद्धस्स पुरस्थिमेणं सीयांए महाणईए उप्पिं जयंते णामं दारे पण्णत्ते / कहि णं भंते ! कालोयसमुद्दस्स अपराजिए णाम दारे पण्णत्ते ? गोयमा ! कालोयसमुद्दस्स उत्तरद्धपेरंते पुक्खरवरदीवोत्तरद्धस्स दाहिणओ एत्थ णं कालोयसमुद्दस्स अपराजिए णामं दारे०, सेसं तं चेव // कालोयस्स णं भंते ! समुद्दस्स दारस्स य 2 एस णं केवइयं 2 अबाहाए अंतरे पण्णत्ते ? गोयमा!बावीस सयसहस्सा बाणउइ खलु भवे सहस्साई / छच्च सया बायाला दारंतर तिणि कोसा य // 1 // दारस्स य 2 अबाहाए अंतरे पण्णत्ते / कालोयस्स णं भंते ! समुद्दस्स पएसा पुक्खरखरदीव० तहेव, एवं पुक्खरवरदीवस्सवि जीवा उद्दाइत्ता 2 तहेव भाणियव्वं // से केणटेणं भंते ! एवं वुच्चइ-कालोए समुद्दे 2 1 गोयमा !
